Elimizdiń 30 jyldyǵyna orai, elimizde jaqsy jańalyqtar oryn alyp, jańa Qazaqstandy qurýǵa talpynyp kelemiz. Onyń birden bir dáleli, oblystardyń bólinip, jańa oblystardyń qurylýy. Osy oraida Semei qalasynda jyl saiynǵy oblystyq jas aqyndar aitysy Táýelsizdik, týǵan jer, elimizdiń birtýar tulǵalary taqyryptaryna arnalǵan jas aqyndar baiqaýy ótti, – dep habarlaidy «Ult aqparat».
Búgin qalalyq Mádeniet saraiynda «Jańa kún – jańa Qazaqstan» atty oblystyq jas aqyndar aitysy ótti. Aityskerler Semeige Shyǵys Qazaqstannyń ár óńirinen kelip, barlyǵy 12 aitysker aqyn baq synady.
Uiymdastyrýshylar – qalalyq mádeniet jáne tilderdi damytý bólimi men halyq aqyndar ortalyǵy. Ortalyq basshysy Dámetken Omarbaeva ótken Naýryz meiramymen quttyqtap, bir jaǵynan aitystyń da merekeniń jalǵasy ekenin atap ótti.
«Talantty jastardy nasihattaý – bizdiń basty maqsatymyz. Biyldyń ózinde alty aitys ótkizdik. Bizge Óskemennen, Úrjardan, Kókpektiden jas aqyndar keldi. Semeilikter de qatysady. Aitys – qazaqtyń tól óneri. Ony «Rýhani jańǵyrý» baǵdarlamasy aiasynda «Jańa Qazaqstandy» nasihattaý jolynda qaita jańǵyrtý árbirimizdiń azamattyq boryshymyz dep bilemin. Jas aqyndar týǵan jerin, elin jyrǵa qosyp, sóz ónerine sýsyndap qalǵan jurtshylyqty dán riza etti. Barshańyzǵa belgili, birneshe jyl elimizde aýyr indet saldarynan mundai rýhani keshter ótkizbek túgili, bir birimizdi kórýge, qol alysyp qushaqtasýǵa zar bolyp qaldyq. Qazir, Qudaiǵa shúkir, indettiń beti qaityp, búginde qalypty tirshiligimige qaita oraldyq. Sonymen qatar Jańa Qazaqstandy qurýǵa talpynyp jatyrmyz. Bul bizdiń Táýesiz elimiz úshin óte mańyzdy qadamdar dep bilemin», – deidi Dámetken Omarbaeva.
Uiymdastyrýshylar pandemiiaǵa bailanysty mundai sharalar kópten beri ótkizilmei kelgenin, endi ony qýyp jetý josparlanyp otyrǵanyn aitty. Qatysýshylar saiasi reformalar, eldi ózgertý jáne qoǵamdyq oi taqyryptarynda pálsapa oilastyrǵandarymen bólisti.
«Qatysýshylar arasynda tájiribeli IT sarapshylary da, jańadan bastaǵandar da bar, olar óz qatelerin osynda kórip, jetildire alady. Aita keteiin, búgin qatysýshylardyń barlyǵy Abai óńiriniń qurylǵany týraly jańalyqqa qýanyp, úlken yntamen sóilep jatyr. Semei oblysy men Abai obylysynyń qaita qurylýynyń ózi jas aqyndarǵa shalqar shabyt syilady dep bilemin. Aqyndar turmaq, qarapaiym jandardyń ózi shat–shadyman bolyp júrgenin kórgende júregińe erekshe qýanysh uialaidy eken. Biz Táýelsiz Qazaqstannyń jańa kelbetin kórgen baqytty urpaqpyz», – deidi aqyn Farhat Maratuly.
Aitys – Semeidiń rýhani bailyǵynyń biri. Mundai músháiralardy ótkizý aqyndarǵa mol tájiribe beretin burynnan kele jatqan dástúr.
«Biz búgin aitys kórip, bir jasap qaldyq. Aitys – ata-babamyzdan qalǵan erekshe sóz óneri. Búgin biz týǵan-týys, aǵaiyn-jurt, kórshi-qolań, aýyl-aimaǵymyzben qosa kelip otyrmyz. Biz qazaqtyń sóz ónerin túsinetin, qazaqtyń qara sózin saralai alatyn halyqpyz. Oblysymyz qaita qurylyp, «Jańa Qazaqstannyń» jańa kelbeti bolyp jatqany da biz úshin maqtanysh. Búgingi tańda aimaǵymyz órkendep, damyp kele jatyr. Osyǵan orai úlken qalalarǵa ketip jatqan jaqyndarymyz da elge oralyp jatqany qýantady. Biz osy úshin de qýanyshtymyz. Búgingi aitys óneri de bizdiń judyryqtai jumylǵan halyq ekenimizdi kóretti dep oilaimyn», – deidi semeilik turǵyn.
Esterińizge sala keteiik, búgin Mádeniet saraiynda «Jańa kún – jańa Qazaqstan» atty oblystyq jas aqyndar aitysy ótti. Aityskerler Semeige Shyǵys Qazaqstannyń ár óńirinen kelip, barlyǵy 12 aitysker aqyn baq synady. Uiymdastyrýshylar – qalalyq mádeniet jáne tilderdi damytý bólimi men halyq aqyndar ortalyǵy. Ortalyq basshysy Dámetken Omarbaeva ótken Naýryz meiramymen quttyqtap, bir jaǵynan aitystyń da merekeniń jalǵasy ekenin atap ótti.
