Keshe óńirlik kommýnikatsiialar qyzmetinde Aqmola oblysy aýdandary men Kókshetaý, Stepnogorsk qalalary ákimderiniń «Rýhani jańǵyrý» baǵdarlamasynyń iske asyrylýy boiynsha óz óńirlerinde atqaryp jatqan jumystary týraly baspasóz máslihattary bastaldy. Osy aidyń aiaǵyna deiin ótetin bul sharany Tselinograd aýdanynyń ákimi Málgajdar Tátkeev pen Zerendi aýdanynyń ákimi Berikjan Ábýtálipov bastap berip otyr.
Óńirlik kommýnikatsiialar qyzmetinde Tselinograd aýdanynyń ákimi Málgajdar Tátkeev óńirde «Rýhani jańǵyrý» baǵdarlamasynyń júzege asýy baǵytynda atqarylǵan jumystar jaiynda aityp berdi.
Jańǵyrtýdyń alty baǵyty jóninde Elbasy óziniń «Bolashaqqa baǵdar: rýhani jańǵyrý» maqalasynda jazǵan bolatyn,–degen aýdan ákimi óńirde «Týǵan jer» arnaiy jobasyn júzege asyrý aiasynda Preobrajenka, Otaýtúsken aýyldarynda 50 oryndyq bastaýysh mektep salynǵanyn, Birlik aýylynda 30 oryndyq bastaýysh mektep jóndelgenin jetkizdi. Sondai-aq, Rodina selosyndaǵy №33 orta mekteptiń akti zaly men ashanasy qalpyna keltirilgen. Mánshúk aýylynda muǵalimder úshin jataqhana jáne fýtbol-basketbol alańy paidalanýǵa berilipti.
– Aqmol selosynda balalar sporttyq alańynyń qurylysy júrgizilýde. Aýdandyq sot aýmaǵyna Tóle bi, Áiteke bi, Qazybek bidiń músini qoiyldy. Aqmol selosynyń bir kóshesine «Jeti jarǵy» ataýy berildi. Qabanbai batyr aýylynda birinshi resýrstyq «Erekshe bilimdi qajet etetin balalardyń ortalyǵy» ashyldy. Sondai-aq, aýdan ákimdigi ǵimaratynyń qabyrǵasyna «Uly dalanyń uly esimderi» sýret galeriiasy ilindi. Osy ataýmen Aqmol selosynyń «Rýhani jańǵyrý» parkinde alleia, osy seloda 13 Eńbek Eriniń dańq alleiasy, «Rýhani jańǵyrý» jobalyq keńsesi, «Belsendi uzaq ǵumyr keshýdiń ortalyǵy» jáne «Otbasy ortalyǵy» ashyldy. Aýdandyq ólketaný mýzeiiniń qurylysy júrgizilýde. Taitóbe aýylynda «Ǵasyrlar amanaty – qasietti Aqmola» stellasy ornatyldy,–degen aýdan ákimi osy arnaiy joba boiynsha Nurlan Qusaiynov, Qanat Jákenov, Aleksandr Lorents, Ivan Saýer siiaqty seriktestik direktorlarynyń atqarǵan igilikti isterin aitty.
«Kieli geografiia» arnaiy jobasy boiynsha «Analar rýhy» meshiti salynǵan eken. L.N.Gýmilev atyndaǵy ýniversitet uiymdastyrǵan ekspeditsiia nátijesinde Qabanbai batyr, Niiaz bi, Ybyrai Jaiyqpaev, Kóbek batyr, Qyryqpai baba, Mailantaý, Sarykólge qatysty qyzǵylyqty ólketaný materialdary jinalypty. Ótken jyly birqatar selolyq okrýg, eldi mekender men kóshe ataýlary ózgertildi. Tselinograd aýdanynyń ákimi odan ári «Qazirgi zamanǵy álemdegi qazaqstandyq mádeniet», «100 jańa oqýlyq», «Qazaqstannyń 100 jańa tulǵasy», «Qazaq tilin latyn árpine kóshirý» arnaiy jobalary jóninde aityp, jýrnalisterdiń saýaldaryna jaýap berdi.
Ramazan Tileýov
