«Rýhani jańǵyrý» aiasynda shyqqan barlyq týyndylar Qazaqstannyń ishinde de, syrtynda da erkin taralýy tiis. Bul týraly QR Prezidenti janyndaǵy Qoǵamdyq sanany jańǵyrtý baǵdarlamasyn iske asyrý jónindegi ulttyq komissiianyń keńeitilgen májilisinde QRO Memlekettik hatshysy Qyrymbek Kósherbaev aitty, dep habarlaidy QazAqparat.
Memlekettik hatshynyń atap ótýinshe, «100 jańa oqýlyq» jobasy aiaiasyndaǵy aýdarma basylymdar, «Rýhani jańǵyrý» baǵdarlamasynyń aiasynda memlekettik qoldaýmen shyqqan barlyq týyndylar Qazaqstannyń ishinde de, syrtynda da erkin taralýy tiis. Memlekettik organdar avtorlyqty menshiktep, onyń taralýyna tyiym salmaýy qajettigin basa aitty.
«Aýdarmashy daiyndaý, ony kásibi ósirý ońai emes. Iskerlik, saiasi aýdarma qiyn. Ǵylymi aýdarma odan da qiyn. Al kórkem aýdarma aýdarma óneriniń shyńy. Biz Rýhani jańǵyrý baǵdarlamasy aiasyndaǵy aýdarma jobalardyń arqasynda qazaq aýdarma mektebin, aýdarmashylardyń ortasytsn kúsheittik dep aita alamyz. Esterińizde bolsa, Abai danyshpandyǵynyń bir qyry aýdarmashylyq. 20 ǵasyrdyń basynda Alash qairatkerleri de aýdarmaǵa den qoidy. Keńestik zamanda da aýdarma arqyly qazaq mádenietine kóp jańalyq keldi. Al 21 ǵasyrdaǵy jahandaný, áidebietter arasyndaǵy alys-beristiń qazirgidei qyzǵan kezinde aýdarmanyń máni men mańyzy arta tústi», - dedi Qyrymbek Kósherbaev.
Ol bul jumystardy jalǵasýy kerektigin, oqýlyqtar jáne kórkem ádebietpen ǵana shektelýge bolmaitynyn basa aitty.
«Táýelsizdigin nyǵaityp, ilgeri damyǵysy keletin, keleshekten úmiti zor biz sekildi elge aýdarmanyń bereri mol. Kózi ashyq, kókiregi oiaý, ulttyn súietin, álemdik órkenietten de habary mol, zamanǵa sai jańa Qazaqstan azamatyn tárbileý úshin bizge jańa deńgeidegi sapaly aǵartýshylyqqa den qoiý kerek», - dedi ol.
