Rýdnyida páterlerdiń birinde gaz plitany teksermek bolǵandar bos bótelke úiindisin tapty. Bul týraly Qostanai oblystyq politsiia departamentiniń baspasóz qyzmeti aitty, dep habarlaidy "Ult aqparat".
Belgili bolǵandai, Rýdnyi politsiiasyna gaz qyzmetiniń qyzmetkerlerine esikti ashpaǵan 40 jastaǵy er adamnyń kórshileri shaǵym túsirgen. Bul páterdegi gaz plitasyna tehnikalyq tekserý júrgizýge kedergi keltirgen. Osyǵan bailanysty sol kireberistegi páterlerge gaz berý toqtatyldy.
«Er adam Rýdnyi qalalyq PB qyzmetkerleri, ákimdiktiń turǵyn úi inspektsiiasy ókili, gaz qyzmetiniń qyzmetkeri men kórshiler kelip turǵan soń páter esigin ashty. Páter antisanitariialyq jaǵdaida bolǵany anyqtaldy. Kóptegen bos bótelkeler shashylyp jatqan. Osyǵan bailanysty páter iesine bir aidyń ishinde páterdi qoqystan tazartý úshin ýaqyt berildi», - dep túsindirdi oblystyq PD baspasóz hatshysy Irina Bejenar.
Gaz qyzmetiniń qyzmetkerleri tehnikalyq tekserý júrgizgennen keiin gaz berildi.
Alaida, osy páterge bir aptadan keiin tekserýge kelgen politseiler páter iesiniń úiindini tazartpaǵanyn anyqtady.
Sondyqtan, Rýdnyi politsiia basqarmasy qala ákimdiginiń turǵyn úi-kommýnaldyq sharýashylyǵy bólimine jáne SES-ke hat joldaidy.
