Rýdnyi turǵyny eki eldiń azamattyǵyn alǵany úshin jaýapqa tartyldy, – dep habarlaidy Polisia.kz.
56 jastaǵy áiel 10 jyldan astam ýaqyt kóshi-qon salasyndaǵy zańnamany buzyp kelgen. Qos azamattyǵy úshin endi ol 600 myńnan teńgeden astam aiyppul tóleýi tiis.
"Qos azamattyqqa qarsy is-qimyl máselesi búgingi kúni ózekti bolyp otyr. Qostanai oblysynyń aýmaǵynda kóptegen faktiler anyqtalyp jatyr. Rýdnyi qalasynyń ákimshilik ister jónindegi mamandandyrylǵan soty 10 jyldan astam Qazaqstan Respýblikasy jáne Resei Federatsiiasynyń azamattyǵy bar 56 jastaǵy áieldi jaýapqa tartty. Endi ol 612 myń teńge kóleminde aiyppul tóleýge tiis", – dep túsindirdi Qostanai oblysy PD Kóshi-qon qyzmeti basqarmasynyń bólim bastyǵy Rinat Syzdyqov.
Mundai derekterdi anyqtaý jáne jolyn kesý úshin turaqty negizde oblystyq kóshi-qon qyzmetine múddeli memlekettik organdardan qandai da bir azamattarda qos azamattyqtyń bar ekendigi týraly málimetter kelip túsedi. Bul aqparatty tiisinshe kóshi-qon qyzmetiniń mamandary tekseredi.
"Qazaqstanda jáne sonymen bir mezgilde shet memlekettiń aýmaǵynda zeinetaqy tólemderin alatyn adamdardy anyqtaý bóliginde Zeinetaqy tóleý jónindegi memlekettik ortalyqtarmen, QR UQK Shekara qyzmetiniń qyzmetkerlerimen, sondai-aq basqa da memlekettik organdarmen birlesken jumys júrgizilip jatyr", – dep túiindedi Rinat Syzdyqov.
Aita ketý kerek, osy jyldyń jeti aiynda 39 azamat ákimshilik jaýapkershilikke tartyldy, onyń 7-i elden shyǵarylyp, 5 jyl ishinde Qazaqstan aýmaǵyna kirý quqyǵy shekteldi.
