Búgin Qostanai-Rýdnyi trassasynyń boiynda kólik apaty bolyp, 6 adam zardap shekti, 1 adam qaza tapty, dep habarlaidy QazAqparat.
Kólik apaty saǵat 14:30 shamasynda Qostanai-Rýdnyi tarassasynyń 38 shaqyrymynda bolǵan. Onda 3 kólik apatqa ushyrady.
«Oqiǵanyń mán-jaiyn jedel tergeý toby anyqtap jatyr. Qazirgi tańda «Kia Sportage» kóliginiń 57 jastaǵy júrgizýshisi Qostanaidan Rýdnyiǵa ketip bara jatyp, ózimen qatarlas kele jatqan jáne reseilik esepte turǵan 24 jastaǵy júrgizýshiniń basqarýyndaǵy «Vaz 2170» markili kóligine soqtyǵysqan. Osydan keiin «Kia Sportage» joldyń qarsy baǵytyna shyǵyp ketip, 51 jastaǵy azamat basqaryp kele jatqan «Vaz 2115» kóligine soǵylǵan», - dep túsindirdi vedomstvo ókilderi.
Apat saldarynan 1 adam mert bolyp, 6 adam túrli dárejede jaraqat aldy. Politsiia osy oqiǵa boiynsha QR QK-niń 345 baby (Kólik júrgizip kele jatqan adamdardyń jol erejesin buzýy) negizinde sotqa deiini tergeý bastalǵanyn habarlady.
Osyǵan deiin Jankeldi aýdany aýmaǵynda bolǵan kólik apatynan Torǵai aýylynyń 3 turǵyny qaza bolǵany aityldy.
