Búgin Shyǵys Qazaqstan oblysynyń ákimi Danial Ahmetov Qazaqstannyń halyq ártisi Roza Rymbaevaǵa «ShQO Qurmetti azamaty» tósbelgisin tabys etti, dep habarlaidy "Ult aqparat".
«Búgin qýanyshty, ári tarihi kún. Jańa jyl qarsańynda jerlesimiz, Qazaqstannyń halyq ártisi Roza Qýanyshqyzy Rymbaevaǵa «ShQO Qurmetti azamaty» ataǵyn jeke tapsyrýdamyn. Men úshin bul zor qurmet. Biz árdaiym jerlesterimizdiń jeńisi úshin qýanyp, qoldap júremiz», - dedi ShQO ákimi Danial Ahmetov.
Kezdesý barysynda R.Rymbaeva Semei qalasynda uly Abaidyń 175 jyldyǵy aiasynda atqarylǵan jumystardyń aýqymyn joǵary baǵalap, jýyrda ǵana mereitoiǵa arnalǵan qorytyndy kontsertte án shyrqaǵanyn eske aldy.
«Jyl saiyn ózimniń gastroldik saparymdy Shyǵys Qazaqstannan bastaýǵa tyrysamyn. Sebebi, týǵan ólkemnen erekshe shabyt, kúsh-qýat alamyn. Halqyma júrekpen án shyrqap, bir tolqynda óner kórsetemin. Búgingi marapat úshin halqyma zor alǵysymdy bildiremin», - dedi Roza Rymbaeva.
ShQO ákimdiginiń baspasóz qyzmetinen málim etkendei, sondai-aq Qazaqstannyń halyq ártisi Óskemendegi jańartylǵan «ERTIS CONCERT» ǵimaratynda boldy. Roza Rymbaeva aldaǵy jyly erekshe baǵdarlamamen kelip, oblys turǵyndaryna jeke kontsert berýge ýáde etti. Jospar boiynsha, kesh ShQO simfoniialyq jáne halyq aspaptar orkestriniń súiemeldeýimen ótedi.
