بٷگٸن شىعىس قازاقستان وبلىسىنىڭ ەكٸمٸ دانيال احمەتوۆ قازاقستاننىڭ حالىق ەرتٸسٸ روزا رىمباەۆاعا «شقو قۇرمەتتٸ ازاماتى» تٶسبەلگٸسٸن تابىس ەتتٸ, دەپ حابارلايدى "ۇلت اقپارات".
«بٷگٸن قۋانىشتى, ەرٸ تاريحي كٷن. جاڭا جىل قارساڭىندا جەرلەسٸمٸز, قازاقستاننىڭ حالىق ەرتٸسٸ روزا قۋانىشقىزى رىمباەۆاعا «شقو قۇرمەتتٸ ازاماتى» اتاعىن جەكە تاپسىرۋدامىن. مەن ٷشٸن بۇل زور قۇرمەت. بٸز ەردايىم جەرلەستەرٸمٸزدٸڭ جەڭٸسٸ ٷشٸن قۋانىپ, قولداپ جٷرەمٸز», - دەدٸ شقو ەكٸمٸ دانيال احمەتوۆ.
كەزدەسۋ بارىسىندا ر.رىمباەۆا سەمەي قالاسىندا ۇلى ابايدىڭ 175 جىلدىعى اياسىندا اتقارىلعان جۇمىستاردىڭ اۋقىمىن جوعارى باعالاپ, جۋىردا عانا مەرەيتويعا ارنالعان قورىتىندى كونتسەرتتە ەن شىرقاعانىن ەسكە الدى.
«جىل سايىن ٶزٸمنٸڭ گاسترولدٸك ساپارىمدى شىعىس قازاقستاننان باستاۋعا تىرىسامىن. سەبەبٸ, تۋعان ٶلكەمنەن ەرەكشە شابىت, كٷش-قۋات الامىن. حالقىما جٷرەكپەن ەن شىرقاپ, بٸر تولقىندا ٶنەر كٶرسەتەمٸن. بٷگٸنگٸ ماراپات ٷشٸن حالقىما زور العىسىمدى بٸلدٸرەمٸن», - دەدٸ روزا رىمباەۆا.
شقو ەكٸمدٸگٸنٸڭ باسپاسٶز قىزمەتٸنەن مەلٸم ەتكەندەي, سونداي-اق قازاقستاننىڭ حالىق ەرتٸسٸ ٶسكەمەندەگٸ جاڭارتىلعان «ERTIS CONCERT» عيماراتىندا بولدى. روزا رىمباەۆا الداعى جىلى ەرەكشە باعدارلامامەن كەلٸپ, وبلىس تۇرعىندارىنا جەكە كونتسەرت بەرۋگە ۋەدە ەتتٸ. جوسپار بويىنشا, كەش شقو سيمفونييالىق جەنە حالىق اسپاپتار وركەسترٸنٸڭ سٷيەمەلدەۋٸمەن ٶتەدٸ.
