Qazaqstannyń halyq ártisi Roza Rymbaeva nelikten eshqashan "Qyzyl órik" stilindegi ánderdi oryndamaitynyn aitty. Bul týraly ánshi Esquire Kazakhstan basylymyna bergen suhbatynda aityp berdi, dep jazady kaz.tengrinews.kz.
"Eshqashan mundai deńgeidegi ándi oryndamaimyn. 42 jyl boiy bizdiń halqymyzdyń mádenietin kóterip kelgen ánderdi oryndap kelip, birde "Qyzyl bórik" (Roza Rymbaeva ánniń ataýyn oilanbastan nemese ádeii qate atady - Esquire. ) ánin oryndap, meni jiirek toilarǵa shaqyrýlaryn suraǵanym ba? Qudaiǵa shúkir, meni onsyz da toilarǵa shaqyrady. Qandai jaǵdai bolsyn, meniń ánderim toi formatyndaǵy ánder emes", - dedi Roza Rymbaeva.
Sondai-aq, Qazaqstannyń halyq ártisi osyndai ánderdi fonogrammamen aityp, odan úsh ese artyq aqsha alatyn qazaqstandyq ártisti biletinin aityp ótti.
"(...) Tek fonogrammamen án aityp, menen úsh ese artyq aqsha alatyn tamasha ánshini bilemin. Onyń ánderiniń barlyǵy hit, halyq toilarda sol ánderge
bilep, kóńil kóteredi. Al meniń mýzykalarym baisaldy, baiypty", - dedi Roza Rymbaeva. Osyǵan deiin suhbatynda Roza Rymbaeva naǵyz er adamdy sipattap bergen bolatyn.
