"Ekspress-K" jýrnalisi Qazaqstannyń Halyq ártisi Roza Rymbaevaǵa habarlasyp, Imanbek Zeikenovke qatysty sózin túsindirýin surady, - dep habarlaidy Tengrinews.kz.
Basylym tilshisi ánshiden bolǵan jaitqa bailanysty jáne uly Áli Oqapovtyń oiyna qatysty ne oilaitynyn surady. Alaida Roza Qýanyshqyzy qysqa jaýap qaiyrǵan.
"Pikir bildirmei-aq qoiaiyn. Men endi Imanbekke qatysty jaýap berýden bas tartamyn. Men jýrnalisterge suhbat berdim, basqa nársege ainaldyrmai-aq qoiaiyq, jarai ma? Aittym, bitti! Kelise me - kelispei me, bireýi qarsy, bireýi qoldaidy - onda sharýam joq", - dedi Roza Rymbaeva.
Eske salaiyq, jaqynda ánshi Roza Rymbaeva Azattyq Rýhy portalyna bergen bolatyn. Suhbat barysynda ol Imanbek Zeikenovtiń ónerine bailanysty pikir bildirip, ol "sáttilik" qana dep ataǵan edi.
"Kerek kezde, kerek jerde bolý. Joly bolyp ketti. Onyń ústine ol kásibi mýzykant emes. Bul jai ǵana sáttilik. Yrǵaǵyn, mánerin aýystyrdy da qoidy, munyń bári kompiýterde jasalady. Ony remix retinde baǵalady, avtor retinde nemese oryndaýshy, avtor-óńdeýshi retinde emes. Joq, ol tek jyldamdyǵyn údetip, balalarǵa tán án shyǵyp, yrǵaǵy aýysty", - degen edi Rymbaeva.
Artynsha Imanbek Roza Rymbaevanyń sózine jaýap bergen edi.
"Birinshiden, ol men úshin eresek adam, aǵa býyn, men ony eshqashan synamaimyn. Qalai aitarymdy da bilmeimin. Men daýlaspaimyn, bul onyń pikiri. Tyńdap, túsindim", - dedi Imanbek.
Kóp uzamai ánshiniń uly da bolǵan jaitqa bailanysty oiyn aitty. Ol anasynyń aitqan sózderimen kelispeitinin jetkizgen bolatyn.
