Roza Rymbaeva qazaqtyń batyr qyzy Áliia Moldaǵulovanyń týǵan jeri Aqtóbe oblysynyń Qobda aýdanynda ataqty "Áliia" ánin shyrqady, - dep habarlaidy "Ult aqparat".
Qazaqstannyń halyq ártisi Aqtóbege 4 mamyrda ushyp keldi de, birinshi kezekte Keńes Odaǵynyń batyry Áliia Moldaǵulovanyń týǵan jeri - Qobda aýdanyndaǵy aýylǵa attandy. Bir kezderi aqyn Bákir Tájibaev pen kompozitor Seidolla Báiterekov ánderin dál osy qazaqtyń batyr qyzyna arnaǵan edi.
"Roza Qýanyshqyzy Áliia Moldaǵulovanyń 90 jyldyǵyna kele almady, biraq, osy jolǵy saparyn Qobda aýdanyndaǵy Áliia aýylynan bastady. Bul qasietti jer", - deidi Roza Rymbaevanyń Aqtóbedegi kontsertin uiymdastyrýshy Janargúl Dosova.
Áliia aýylynda Roza Rymbaeva Keńes Odaǵy batyrynyń mýzeiine kirip-shyqty, aýyl turǵyndarymen kezdesip, jergilikti meshitte de boldy. Keiin Qobda aýylyndaǵy Mádeniet úiinde turǵyndar úshin qaiyrymdylyq kontsertin berip, ataqty "Áliia" ánin shyrqady.
"Áliia" kompozitsiiasyna biyl 41 jyl tolady. 1977 jyly Bolgariiada ótken "Zolotoi Orfei" festivalinde Roza Rymbaeva "Áliia" ánimen baiqaýdyń gran-priin ielengen bolatyn. Dál sol shaqta qazaq tilindegi bul án KSRO kóleminde úlken tanymaldylyqqa ie boldy.
