روزا رىمباەۆا قازاقتىڭ باتىر قىزى ەلييا مولداعۇلوۆانىڭ تۋعان جەرٸ اقتٶبە وبلىسىنىڭ قوبدا اۋدانىندا اتاقتى "ەلييا" ەنٸن شىرقادى, - دەپ حابارلايدى "ۇلت اقپارات".
قازاقستاننىڭ حالىق ەرتٸسٸ اقتٶبەگە 4 مامىردا ۇشىپ كەلدٸ دە, بٸرٸنشٸ كەزەكتە كەڭەس وداعىنىڭ باتىرى ەلييا مولداعۇلوۆانىڭ تۋعان جەرٸ - قوبدا اۋدانىنداعى اۋىلعا اتتاندى. بٸر كەزدەرٸ اقىن بەكٸر تەجٸباەۆ پەن كومپوزيتور سەيدوللا بەيتەرەكوۆ ەندەرٸن دەل وسى قازاقتىڭ باتىر قىزىنا ارناعان ەدٸ.
"روزا قۋانىشقىزى ەلييا مولداعۇلوۆانىڭ 90 جىلدىعىنا كەلە المادى, بٸراق, وسى جولعى ساپارىن قوبدا اۋدانىنداعى ەلييا اۋىلىنان باستادى. بۇل قاسيەتتٸ جەر", - دەيدٸ روزا رىمباەۆانىڭ اقتٶبەدەگٸ كونتسەرتٸن ۇيىمداستىرۋشى جانارگٷل دوسوۆا.
ەلييا اۋىلىندا روزا رىمباەۆا كەڭەس وداعى باتىرىنىڭ مۋزەيٸنە كٸرٸپ-شىقتى, اۋىل تۇرعىندارىمەن كەزدەسٸپ, جەرگٸلٸكتٸ مەشٸتتە دە بولدى. كەيٸن قوبدا اۋىلىنداعى مەدەنيەت ٷيٸندە تۇرعىندار ٷشٸن قايىرىمدىلىق كونتسەرتٸن بەرٸپ, اتاقتى "ەلييا" ەنٸن شىرقادى.
"ەلييا" كومپوزيتسيياسىنا بيىل 41 جىل تولادى. 1977 جىلى بولگارييادا ٶتكەن "زولوتوي ورفەي" فەستيۆالٸندە روزا رىمباەۆا "ەلييا" ەنٸمەن بايقاۋدىڭ گران-پريٸن يەلەنگەن بولاتىن. دەل سول شاقتا قازاق تٸلٸندەگٸ بۇل ەن كسرو كٶلەمٸندە ٷلكەن تانىمالدىلىققا يە بولدى.
