Braziliia quramasynyń burynǵy oiynshysy Ronaldino (shyn esimi Ronaldo de Assis Morreira) Paragvai aýmaǵyna kirý úshin jalǵan tólqujatty paidalandy degen kúdikpen ustaldy. Bul týraly sársenbi kúni ABC Color gazeti habarlady.
Sársenbi kúni keshke sportshy ornalasqan qonaqúi bólmesinde tintý júrgizilip, onyń barysynda quqyq qorǵaýshylar Ronaldino jáne onyń aǵasy Robertonyń atyna jazylǵan jalǵan tólqujattardy anyqtady. Basylymnyń jazýynsha, ekeýin de qonaqúide politsiia kúzetip otyr, al olar beisenbi kúni tańerteń prokýratýraǵa túsinikteme berýge barýy tiis.
Buǵan deiin óz otanynda Ronaldino salyq tólemegeni úshin shetel tólqujatynan aiyrylǵan edi. Budan basqa fýtbolshyǵa óziniń otbasy turyp jatqan úidiń janynda pirs salyp, tabiǵatty qorǵaý zańnamasyn buzǵany úshin 8,5 mln real (2,2 mln astam dollar) kóleminde aiyppul salynǵan.
