Foto: primeminister.kz
Qazaqstan Respýblikasy Premer-ministriniń birinshi orynbasary Roman Skliar Yutong transulttyq kompaniiasynyń basqarma tóraǵasy Van Ventaomen kezdesti, dep habarlaidy Ult.kz QR Premer-ministriniń resmi aqparattyq resýrsyna silteme jasap.
Kelissózder barysynda Qaraǵandy oblysy Saran qalasynyń indýstriialyq aimaǵynda ornalasqan QazTehna zaýytynyń bazasynda avtobýs tehnikasyn óndirý jónindegi birlesken jobany iske asyrýdyń aǵymdaǵy nátijeleri talqylandy.
Van Ventao myrza álemdegi eń iri avtobýs tehnikasyn óndirýshi Yutong-pen seriktestikte iske asyrylyp jatqan jobany jan-jaqty qoldaǵany úshin Qazaqstan Úkimetine alǵys bildirdi.
«Biz Qazaqstan Respýblikasy Úkimetiniń mashina jasaýdy damytý jáne ekonomikany ártaraptandyrý salasyndaǵy kúsh-jigerin joǵary baǵalaimyz jáne osy protsesterge belsendi qatysýǵa daiynbyz», — dep atap ótti ol.
Basqarma tóraǵasy sondai-aq kompaniia Qazaqstandy Ortalyq Aziiadaǵy negizgi strategiialyq naryq retinde qarastyratynyn atap ótti. Osyǵan bailanysty Yutong investitsiialar kólemin ulǵaitý, tehnologiialar transfertin keńeitý jáne óndiristi lokalizatsiialaýdy tereńdetý jolymen qazaqstandyq tarappen yntymaqtastyqty odan ári ulǵaitýǵa nietti.
Búgingi tańda QazTehna zaýytynyń óndiristik portfelinde Yutong markaly qalalyq, qalaaralyq, týristik jáne mamandandyrylǵan avtobýstardy qamtityn ónimderdiń keń spektri bar. Kásiporynda joǵary bilikti mamandar úshin 1 myńnan astam jumys orny quryldy. 2021 jyly zaýyt iske qosylǵan sátten bastap 4 myńnan astam avtobýs tehnikasy óndirildi.
2025 jyly 1,5 myńnan astam avtobýs shyǵarý josparlanǵan, bul iske asyrylyp jatqan jobanyń ósýi men turaqtylyǵyn kórsetedi.
Qazirgi ýaqytta kásiporynnyń tehnologiialyq bazasyn keńeitýge jáne jergilikti qamtý úlesin arttyrýǵa baǵyttalǵan jańa óndiristik qýattardyń qurylysy júrgizilip jatyr. 10 myń sharshy metrden astam aýmaqta qaptama elementterin dánekerleý, qurastyrý, daiyndaý jáne shtamptaý boiynsha zamanaýi korpýstar ornalastyrylady, bul lokalizatsiialaý deńgeiin edáýir arttyrýǵa jáne Qazaqstanda avtobýs tehnikasynyń jetekshi óndirýshisi retinde QazTehna pozitsiiasyn nyǵaitýǵa múmkindik beredi.
Taraptar ózara tiimdi áriptestikti odan ári keńeitýge jáne eldiń ónerkásiptik áleýetin nyǵaitýǵa nietti ekenderin bildirdi.
