Roman Skliar Qazaqstan Respýblikasy Premer-Ministriniń orynbasary qyzmetine taǵaiyndaldy, dep habarlaidy "Ult aqparat" Aqordanyń baspasóz qyzmetine silteme jasap.
Roman Vasilevich Ckliar 1971 jyly 8 mamyrda Pavlodar qalasynda dúniege kelgen.
Ekonomist jáne zańtaný mamandyqtary boiynsha Máskeý zamanaýi biznes institýty men Qazaq quqyqtaný jáne halyqaralyq bailanys institýtyn bitirgen.
1989-1990 jyldar aralyǵynda «Ekibastuzkómiravtomatika» montajdaý-jóndeý basqarmasynyń montajshy-slesary, «Kazpromtehmontaj» óndiristik-montajdaý basqarmasynyń Ekibastuz qurylys basqarmasynyń montajshysy bolyp jumys istegen. 1990-2002 jyldary kommertsiialyq qurylymdarda eńbek etken. 2002-2003 jyldary QR Qarjy ministrliginiń óteýge shamasy kelmeitin qaryzdarymen jumys jónindegi komitettiń Pavlodar oblysy boiynsha basqarmasynyń bólim bastyǵy qyzmetin atqarǵan. 2003-2005 jyldary Pavlodar qalasy boiynsha memlekettik satyp alý basqarma bastyǵy, Pavlodar qalasy ákiminiń orynbasary. 2005-2006 jyldary Pavlodar qalasy ákimi apparatynyń basshysy, ákim orynbasary. 2006-2007 jyldary Astana qalasynyń ákimi apparatynyń infraqurylymdy damytý bóliminiń meńgerýshisi. 2007-2008 jyldary Astana qalasynyń Energetika jáne kommýnaldyq sharýashylyq departamentiniń direktory. 2008-2010 jyldary Pavlodar oblysy ákiminiń orynbasary. 2010 jylǵy qazannan bastap 2011 jylǵy mamyrǵa deiin Pavlodar oblysy ákiminiń birinshi orynbasary bolyp eńbek etken. 2011-2013 jyldary Qazaqstan Respýblikasy kólik jáne kommýnikatsiia vitse-ministri.
2014-2016 jyldary «Qazaqstan temir joly» AQ vitse-prezidenti. 2016 jyly QR Parlamenti Májilisiniń VI shaqyrylymynda «Nur Otan» partiiasynan depýtat bolyp sailandy. Ekonomikalyq reforma jáne óńirlik damý komitetiniń tóraǵasy boldy. Sol jylǵy mamyrda QR ekonomika vitse-ministri qyzmetine taǵaiyndaldy. 2017-2019 jyldary QR investitsiialar jáne damý birinshi vitse-ministri.
2019 jylǵy aqpannan beri QR Indýstriia jáne infraqurylymdyq damý ministri qyzmetin atqaryp keldi.
«Qurmet» ordenimen, «Qazaqstan Respýblikasynyń Táýelsizdigine 20 jyl», «Astanaǵa 10 jyl» mereitoilyq medaldarymen marapattalǵan.
