Almaty oblysynda poiyz ben avtobýs soqtyǵysqan ótkelge kópir salý úshin 70 jer úidi súrý kerek. Bul týraly Indýstriia jáne infraqurylymdyq damý ministri Roman Skliar aitty, dep habarlaidy "Ult aqparat".
«Atalmysh temirjol ótkelimen bir táýlikte – iaǵni, kún saiyn 65 poiyz ótedi. Al avtokólik qozǵalysynyń qarqyny – 10 myń avtokólik. Sózsiz, atalyp otyrǵan ótkelge kópir, ótpejol salý kerek. Áitse de, dál sol aýmaqta ótpejol salý úshin sol jerdegi 70-ke tarta jeke úidi, 2 janar-jaǵarmai beketin súrý kerek. Bul álbette, úlken biýdjettik shyǵyndy talap etedi. Sol sebepti, atalǵan ótkel qosymsha kúzet signalizatsiiasymen ǵana emes, avtokóliktiń ótip ketpeýin qamtamasyz etetin kedergilik quraldarymen jabdyqtalǵan bolatyn», - dedi Roman Skliar OKQ-da ótken baspasóz máslihatynda.
Ministrdiń aitýynsha, avtokólik joldaryn qaita jóndeý kezinde mindetti túrde tiisti kópirdiń salynýy qarastyrylady.
«Temir jol jáne avtokólik magistraldary – avtokólik joldary birinshi, ekinshi jáne úshinshi sanatta bolsa ǵana túiisedi. Shamalǵandaǵy jaǵdaida avtokólik joly – tehnikalyq sipatta ekinshi sanattaǵy jol. Biz ótkelde kópir salýdy kelesi jylǵa josparlap otyrmyz. Biraq, kópir dál osy ótkelde emes, jer úiler azyraq súriletin aýmaqta salynady. Jobalaý merzimi shamamen 3-4 aidy alady», - dedi Roman Skliar.
