Shamalǵannyń poiyz ótkelinde jabdyqtaýdyń barlyq talaptary saqtalǵan. Bul týraly OKQ-da ótken baspasóz máslihatynda QR Indýstriia jáne infraqurylymdyq damý ministri Roman Skliar málim etti, dep habarlaidy QazAqparat.
«Týrksib Astana» JShS tasymaldaýshysynyń málimetine súiensek, poiyz quramyndaǵy jolaýshylardan eshkim zardap shekpegen. Poiyz ótkeli joldy jabý qurylǵysymen, shlagbaýmmen jáne baǵdarshammen jabdyqtalǵan. Iaǵni, ótkeldi jabdyqtaý boiynsha talaptardyń bári saqtalǵan», - dedi Roman Skliar OKQ-da ótken baspasóz máslihatynda.
QR Indýstriia jáne infraqurylymdyq damý ministriniń aitýynsha, «Setra» markaly avtobýs 1990 jyly shyǵarylǵan. Buryn tehnikalyq tekseristen ótý merzimi 2019 jyldyń 16 shildesinde ótip ketken. Merzimi ótip ketkenimen tehnikalyq tekseriske qaita kirgizilmegen.
«Tasymaldaýshy - «Qaskeleń avtobýs parki» JShS. Zardap shekkender boiynsha aitsam, 1986 jyly týǵan Ábdirqyzy Elmira Jánibekova men onyń 2014 jáne 2016 jyly týǵan eki qyzy zardap shekti. Elviranyń ózi Almaty lokomtiv deposynda qyzmet etedi. QTJ oǵan barlyq kómekti jasaidy», - dedi ol.
Eske sala ketsek, keshe Shamalǵan stantsiiasynda poiyz ben avtobýs soqtyǵysqan bolatyn. Aldyn ala boljam boiynsha, avtobýs temir joldyń relsine shyǵyp ketken.
Oqiǵa ornynda avtobýs júrgizýshisi mert bolyp, taǵy 3 adam Qarasai aýdandyq aýrýhanasynyń jansaqtaý bóliminde jatyr. Onyń ekeýi bala.
Qazir atalǵan fakti boiynsha QR QK 345-babynyń 3-tarmaǵy boiynsha is qozǵalyp, tergeý júrip jatyr. Istiń tergelýin Bas kóliktik prokýratýra óz baqylaýyna aldy.
QR Prezidenti Qasym-Jomart Toqaev Aqseńgir-Shamalǵan temirjol ótkelinde poezd ben avtobýs soqtyǵysynan japa shekkenderdiń týǵan-týystaryna kóńil aitty.
