Premer-Ministrdiń orynbasary Roman Skliar Eýropalyq biznes qaýymdastyǵynyń ókilderimen kezdesý barysynda eldiń qolaily investitsiialyq ahýaly týraly aityp, investorlarǵa ekonomikanyń túrli sektorlarynda: týrizm, tsifrlyq ekonomika, densaýlyq saqtaý, infraqurylym jáne taǵy basqa salalarda jańa múmkindikter berý máselelerin talqylady. "Ult aqparat" bul týraly primeminister.kz saityna silteme jasap habarlaidy.
Kezdesýde Qazaqstan ekonomikasynyń 2019 jyly 4,5% óskeni, al shikizattyq emes sektorǵa sapaly sheteldik investitsiialardy tartý QR Úkimetiniń basym mindetteriniń biri ekeni atap ótildi.
Óz kezeginde sheteldik delegatsiianyń basshysy Iohan Vanderplaetse ‒ Eýropalyq biznes qaýymdastyǵynyń basqarma tóraǵasy, Resei men TMD-daǵy Schneider Electric prezidenti álemdegi energiia tutynýdyń ózgermeli qurylymy aiasynda Qazaqstan ekonomikasyn ártaraptandyrý máseleleriniń ózektiligin atap ótti.
Sonymen qatar biznes ókilderi Indýstriia 4.0, jasyl ekonomika, turaqty damý, QR-daǵy elektr kóligi infraqurylymyn, onyń ishinde tehnologiialar transferti jáne jergiliktendirý arqyly qoldaý boiynsha memlekettik baǵdarlamalar men bastamalarǵa qatysý múmkindigin qarastyrdy.
