Premer-Ministrdiń orynbasary Roman Skliar QR-daǵy AQSh-tyń Tótenshe jáne ókiletti elshisi Ýiliam H. Mozermen kezdesti. Bul týraly primeminister.kz habarlaidy.
Elshi jáne dipmissiia ókilderimen kezdesý barysynda ekijaqty yntymaqtastyqtyń negizgi aspektileri, sondai-aq eki eldiń diplomatiialyq qarym-qatynastaryn odan ári nyǵaitýdyń perspektivalary talqylandy.
Premer-Ministrdiń orynbasary Roman Skliar Ýiliam H. Mozermen áńgimelesý barysynda búginde AQSh Qazaqstannyń halyqaralyq arenadaǵy eń mańyzdy seriktesteriniń biri bolyp tabylatynyn, al eki el arasyndaǵy qarym-qatynas kóptegen jyldar boiy dostyq pen ózara túsinistik rýhynda qalyptasyp kele jatqanyn atap ótti.
Kezdesý barysynda taraptar eki el arasyndaǵy ózara is-qimyldyń ózekti salalaryndaǵy qysqa merzimdi jáne uzaq merzimdi perspektivalarǵa arnalǵan ekijaqty yntymaqtastyqtyń mańyzdy máselelerin talqylady.
Taraptar qarym-qatynastardy damytýdyń oń baǵytyn odan ári saqtaýǵa jáne olardy ekonomikalyq, saiasi, sondai-aq áleýmettik salalarda odan ári nyǵaitý boiynsha barlyq kúsh-jigerin salýǵa kelisti.
