Foto: ekaraganda.kz
"AMANAT" partiiasy Qaraǵandy oblysy Buqar Jyraý aýdany filialynyń tóraǵasy, aýdandyq máslihat depýtaty Anar Bozaeva jol apatyna ushyrap, birneshe maldy jáne kámeletke tolmaǵan eki balany qaǵyp ketti, dep habarlaidy "Ult aqparat".
Oqiǵa 2 shildede Buqar Jyraý aýdany, «Botaqara-Doskei» tasjolyna jaqyn mańda bolǵan.
«Nissan kóliginiń júrgizýshisi tizginge ie bola almai qalǵan. Rólde "AMANAT" partiiasy Buqar jyraý aýdandyq filialynyń tóraǵasy, aýdandyq máslihat depýtaty Anara Bozaeva otyrǵan. Bul aqparatty ol ózi rastady.
Aita keteiik, ol qazir eńbek demalysynda. Júrgizýshiniń tájiribesi bar ekeni jáne kólik apaty kezinde mas bolmaǵany anyqtaldy. Politsiia departamenti jol-kólik oqiǵasyna qatysty tergeý júrgizip jatyr, nátijesinde barlyq kináliler zańda belgilengen tártippen jazalanady», - dedi "AMANAT" partiiasy Qaraǵandy oblystyq filialynyń baspasóz qyzmeti ókilderi.
Politsiia departamentinen málimdegendei, 33 jastaǵy áiel aldymen joldan ótip bara jatqan maldy soqqan. Osydan keiin júrgizýshi róldi basqara almai, 8 jáne 16 jastaǵy kámeletke tolmaǵan eki bala mingen mototsiklmen soqtyǵysqan.
«Apat saldarynan jasóspirimder jaraqat alyp, meditsinalyq mekemege jatqyzyldy.
Atalǵan fakt politsiiada tirkeldi. Tiisti saraptamalar taǵaiyndaldy. Tolyq jáne obektivti sotaldy tergep-tekserý júrgizilip jatyr», - dedi Qaraǵandy oblysy PD baspasóz qyzmeti.
Al oblystyq densaýlyq saqtaý basqarmasynyń málimetinshe, balalardyń jaǵdaiy aýyr.
"2005 jylǵy naýqastyń miy jaraqattanyp, shaiqalǵan. Oń jaq jambas súiegi shytynaǵan. Budan basqa da kóptegen dene jaraqatyn alǵan. 2014 jyly týǵan ekinshi balanyń denesinde de birneshe jaraqat bar. Sanaviatsiiamen balalar hirýrgi shaqyryldy. Balalar aýdandyq aýrýhananyń hirýrgiialyq bólimine jatqyzyldy. Olardyń jaǵdaiy aýyr", - deidi densaýlyq saqtaý basqarmasynyń baspasóz qyzmeti.
