Bangladesh pen Mianma biligi rohindja eliniń bosqyndarynyń birinshi toby biyl qarashanyń ortasyna óz eline oralýy jaiynda kelisimge keldi. Bul týraly Bangladesh SIM hatshysy Shahidýl Hak málimdedi, dep habarlaidy kaz.tengrinews.
"Biz bosqyndardyń birinshi toby óz elderine qarashanyń ortasynda jiberiledi dep senip otyrmyz", - dedi joǵary laýazymdy diplomat Dakka qalasyndaǵy Bangladesh jáne Mianma ókilderiniń kezdesýinen keiin. Haktyń sózin bdnews24 internet basylymy jariialady.
Óz kezeginde kelissózderge qatysqan Mianma SIM hatshysy Min Tý kelesi aidan bastap bosqyndardyń elge oralatyny týraly naqty jospar baryn aitty.
Bangladesh pen Mianma rohindjanyń elge oralýy týraly masshtabty jospardy 2017 jyldyń sońynda kelissózderdi bastady. Alaida biýrokratiialyq sozbalaqtaýdyń saldarynan ol kezde iske aspady. Jergilikti BAQ ókilderiniń málimetinshe, olar Bangladeshten deportatsiialanǵan bosqyndar óz elinde qaitadan zábir kórýi múmkin dep alańdaýly.
2017 jyly kúzde 700 myń rohindja, Mianmanyń Rakhain shtatynda turyp jatqan etnikalyq bengal-musylmandary óz úilerin tastap, kórshi jatqan Bangladeshke qashqan. Mianma áskeri kúshi toǵyz politsei men áskeri qyzmetkerdiń ólimin sebepshi etip, islam lańkesterinen "tazartamyz" dep jappai qyrǵyn salǵan. Barlyq materialdardy qarastyryp, zertteý júrgizgen BUU mamandary mianmalyq áskerilerdi rohindjaǵa jasaǵan genotsid dep baǵa berdi.
