QR Premer-Ministri Asqar Mamin «Aýyl – El besigi» jobasyn júzege asyrý, sondai-aq, elorda ainalasynda «azyq-túlik beldeýin» qurý aiasynda Aqmola oblysynyń Tselinograd aýdanyndaǵy Rodina aýylyna jumys saparymen baryp, onda «Rodina» agrofirmasy» JShS jumysymen tanysty, dep habarlaidy "Ult aqparat" Úkimet basshynyń baspasóz qyzmetine silteme jasap.
Úkimet basshysy aýyl sharýashylyǵy tehnikasy parkin, sút kesheni men «Rodina» agrofirmasynyń zaýytyn aralady, sondai-aq, attas aýyldyń áleýmettik infraqurylym nysandaryn — hokkei kortyn, orta mektepti, sýpermarket pen jaily páterlerdi kórdi.
«Elbasy Nursultan Nazarbaev jáne Prezident Qasym-Jomart Toqaev aýyl men agroónerkásiptik keshendi damytý máselelerine zor kóńil bólip otyr. Sizderdiń agrofirma Qazaqstandaǵy jetekshi ári úlgilik kásiporyndardyń biri, jinaqtalǵan tájiribeni elimizdegi basqa da sharýa qojalyqtaryna taratý qajet», — dedi A. Mamin.
«Rodina» agrofirmasynyń basshysy I. Saýer Premer-Ministrge kásiporynnyń jumysyn odan ári keńeitý jónindegi josparlary týraly baiandady.
«Rodina» agrofirmasy 2005 jyly attas keńshar bazasynda qurylǵan, Qazaqstandaǵy ósimdik sharýashylyǵy men mal sharýashylyǵy ónimderin óndirý jáne qaita óńdeý boiynsha jetekshi sharýa qojalyqtarynyń biri. JShS-da jumys isteitinder sany — 520 adam. Sońǵy úsh jylda ortasha jyldyq óndiris kólemi 2,52 mlrd teńgeni qurady. Agrofirma siyrlardy saýý jáne qolda baǵý úshin tsifrlyq tehnologiialardy, jel-energetika qondyrǵysy men basqa da ozyq tehnologiialyq júielerdi paidalanady.
Egis alqaptary qurylymyna dándi (bidai, arpa, suly), maily (kúnbaǵys, zyǵyr maiy) daqyldar, súrlemge júgeri, bir jyldyq jáne kóp jyldyq shópter, kartop, kókónister kiredi. Sharýashylyq qara shubar jáne golshtino-friz tuqymdy iri qara maldy ósiretin asyl tuqymdy mal zaýyty dárejesine ie.
