Foto: gov.kz
Serik Sápiev óziniń orynbasarymen bolǵan janjalǵa qatysty pikir bildirdi. Olipiada chempiony jelidegi paraqshasynda jazba jariialap, máseleniń tolyq qaralyp, jabylǵanyn málimdedi, dep habarlaidy Ult.kz.
“Men memlekettik qyzmetker retinde óz mindetterimdi atqarý barysynda memlekettik qyzmetkerdiń ádep qaǵidattaryn qatań saqtaimyn. Bala kezimnen bapkerlerim maǵan ringten tys jerde kúsh qoldanýǵa bolmaitynyn úiretti. Óz múmkindigimdi jaqsy baǵalaimyn jáne árbir is-áreketim úshin jaýapkershilik arqalaitynymdy tolyq túsinemin. Sondyqtan qandai da bir arandatýshylyqtarǵa ermeimin. Másele tolyq qaralyp, jabyq dep esepteledi”, – delingen Sápievtiń jazbasynda.
Eske salsaq, buǵan deiin olimpiada chempiony, Qaraǵandy oblystyq dene shynyqtyrý jáne sport basqarmasynyń basshysy Serik Sápievti onyń orynbasary sambodan álem jáne Aziia chempiony Dáýren Esimhanov soqqyǵa jyqqany týraly jazǵan edik. Jelide taraǵan videodan Serik Sápivtiń qolyna qujat ustap, orynbasarynyń kabinetine kirgenin, keiin Esimhanovtyń Sápievti uryp, kabinetten shyǵaryp jibergenin kórýge boldy.
