Táýelsizdik kúnine orai Qazaqstannyń Italiiadaǵy elshiliginde Abai aqparat-mádeni ortalyǵynyń ashylý saltanaty, sondai-aq qazaq jazba ádebietiniń negizin salýshysynyń poemalary men «Qara sózderi» jinaǵynyń tusaýkeseri ótti, dep habarlaidy "Ult aqparat" Syrtqy ister ministrliginiń resmi saityna silteme jasap.
Is-shara QR Ulttyq akademiialyq kitaphanasynyń (UAB) qatysýymen jáne QR Mádeniet jáne sport ministrliginiń qoldaýymen aralas formatta ótti.
Ortalyq Abai shyǵarmalarynyń jáne ol týraly UAB qorynan shyqqan basylymdardyń kórmesin, filosoftyń ómiri men shyǵarmashylyǵy týraly materialdardy usynady.
Elshiliktiń keńesshisi Áset Baisynov óziniń alǵy sózinde HHI ǵasyrda bilimniń mańyzdylyǵy týraly aityp, jas urpaqqa laiyqty bilim alýǵa nusqaý beretin, olardyń jarqyn bolashaǵynyń kepili bolatyn uly Abai murasyn jastar arasynda keńinen nasihattaý burynǵydan da mańyzdy ekenin atap ótti.
Elshiliktiń kómegimen Qazaqstannyń Ulttyq aýdarma biýrosy Abaidyń «Qara sózderi» men poemalaryn italian tiline aýdardy.
Bul italian oqyrmanyna ults aqyn ári oishyldyń eńbekterimen tanysýǵa jańa múmkindik berip, eki el halyqtaryn ózara mádeni baiytýǵa qyzmet etedi, Italiia jurtyna qazaq ádebieti men poeziiasyn, sondai-aq Abai eńbekteri arqyly Qazaqstannyń mádeni jáne ádebi ómirin tereńirek zertteýge múmkindik beredi.
«Qara sózder» – bul aqynnyń qartaiǵan shaǵynda jazǵan, óz oi-sanasynan ótkizilgen jáne halqyna degen súiispenshilikten týyndaǵan halqynyń taǵdyry týraly tereń ishki oilary, armandary men ýaiymdaryn jetkizgisi kelgen danalyq qazynasy.
Is-shara qonaqtary Qazaqstannyń San-Marino Respýblikasyndaǵy Qurmetti konsýly Djovanni Pomponi, Santa-Chechiliia akademiiasynyń professory Rafaelle Kollichenza boldy.
Onlain formattaǵy konferentsiianyń qatysýshylary men spikerleri Ambrozian kitaphanasynyń Akademiiasy janyndaǵy Akademiialyq hatshysy, Italiia men Qazaqstan arasyndaǵy dostyq qarym-qatynastar men yntymaqtastyqty damytýdaǵy erekshe eńbegi úshin Italiia Respýblikasynyń ofitseri, professor Edoardo Kanetta; Berlin erkin ýniversitetiniń jáne Ka-Foskari Venetsiia ýniversitetiniń professory, túrkolog Elizabetta Raganin; Qazaqstannyń Kampaniia (Neapol) aimaǵyndaǵy Qurmetti konsýly Serdjio Moskati; Qazaqstannyń Lombardiia (Milan) aimaǵyndaǵy qurmetti konsýly Nikolo Andrea Gatto; jetekshi italian BAQ jýrnalisteri, sondai-aq Abai shyǵarmalaryn oryndaǵan qazaqstandyq stýdentter boldy.
Italian sarapshylary Abaidyń italian tiline aýdarylǵan qara sózderi men poemalaryn oqyp, tańdanysyn bildirdi jáne aqyn sózderiniń búgin de ózektiligin saqtap qalǵanyn atap ótti.
Qazaqstan tarapyn UAB basshysy, Úmithan Muńalbaeva Úmithan; aqyn, Qazaqstan jazýshylar odaǵy tóraǵasynyń orynbasary Baýyrjan Jaqyp; M.O. Áýezov atyndaǵy Ádebiet jáne óner institýtynyń zertteýshisi Svetlana Ananeva; aqyn, Qazaqstan jazýshylar odaǵynyń múshesi Orynbai Janaidarov; aqyn, «Daryn» jastar syilyǵynyń laýreaty Bekzat Smaǵulov tanystyrdy.
Is-shara sońynda Santa-Chechiliia akademiiasynyń professory Rafaelle Kollichenza jinalǵandar úshin fortepianoda túrli shyǵarmalar oryndady.
Qazaqstandyq stýdentter men qonaqtar syilyqqa Abaidyń poemalar jinaǵyn alyp, uly aqynnyń mereitoiyna orai ashylǵan ortalyqta mádeni is-sharalar men kezdesýler ótkizýge niet bildirdi.
