Memleket basshysy Qasym-Jomart Toqaevtyń shaqyrýymen Rim Papasy Frantsisk Qazaqstanǵa memlekettik saparmen keledi, - dep habarlaidy "Ult aqparat" Aqorda baspasóz qyzmetine silteme jasap.
"Prezident Qasym-Jomart Toqaevtyń shaqyrýymen biylǵy 13-15 qyrkúiekte Rim Papasy Frantsisk Qazaqstanǵa memlekettik saparmen keledi. Sapar aiasynda elimizdiń joǵary basshylyǵymen kezdesedi, sondai-aq Álemdik jáne dástúrli dinder kóshbasshylarynyń VII sezine qatysady dep josparlanǵan", - delingen habarlamada.
