Italiianyń sáýlet jáne qala qurylysy salasyndaǵy tanymal sarapshysy, Urban Living konsaltingtik kompaniianyń ókili Rikardo Marini Mańǵystaý oblysyndaǵy Bozjyra shatqalyna baryp, aimaqtaǵy ekologiialyq týrizmdi damytý múmkindikteri jaiynda aitty. Qalalar men qoryq aimaqtarynda jobalardy júzege asyryp júrgen mamannyń aitýynsha, Bozjyrany saqtap qalýǵa saýatty basqarý kómektese alady, dep habarlaidy QazAqparat.
«Bul - tamasha jer. Bul – tek jergilikti turǵyndar úshin ǵana emes, búkil álem týristeri úshin jańa álem. Eger tabiǵat ásemdigi men adamdardyń ony kórý nietiniń arasynda janjal týyndasa, tabiǵi ortaǵa qaýip tónýi múmkin. Sondyqtan bul qundylyqty saqtap, qorǵap qalý óte mańyzdy. Bul jaǵdailar basshylyqtyń teris jolda ekenin bildiretin belgi. Adamdar ózderi qalaǵan jerinde júredi. Osy jerde júrip baiqaǵanym, plastik jáne shyny bótelkeler shashylyp jatyr», - dedi R.Marini tilshilerge.
Sarapshy Bozjyra siiaqty tabiǵi resýrstardy saqtap qalýda infraqurylym, kommýnikatsiialar jáne bilim siiaqty ajyramas elementter retinde úilesimdi bolýy tiis ekendigin atap ótti. Ol sondai-aq shalǵai aýdanda qonaqúi qurylysyna qatysty pikirin bildirdi.
«Eger qonaqúi resýrstary shatqaldy qorǵaý, aǵartý, jáne ol týraly habardar bolýǵa baǵyttalsa, eger investorlar jobany qorshaǵan ortaǵa úlken qamqorlyq jasap iske asyrsa, eger maksimaldy túrde qaldyqsyz mehanizm bar bolsa, onda bul óte jaqsy ideia. Shatqaldyń túbine jaiaý, atqa minip nemese elektromobilmen túsý kerek. Eger týristerge tabiǵat aiasynda júrý tártibin, qoqys jinaý qajettiligin túsindiretin nusqaýlyqtar bolyp, olar durys qoldanylsa, búkil álemdegi tabiǵat eskertkishteri siiaqty, Bozjyra shatqalyn da turaqty damytýǵa bolady», - dedi sarapshy.
Ol jaqsy oilastyrylǵan basqarýdyń sondai-aq jergilikti jerdi mekendeitin janýarlardyń joiylýyna jol bermeýge bolatynyna sendirip otyr.
«Eger infraqurylym jete damytylsa, janýarlar joiylmaidy. Búkil álemde, Afrikada, tipti Eýropada adamdarǵa álsiz ekojúielerde júrýge múmkindik beretin kóptegen jerler bar. Munda kelýshiler tek jergilikti flora men faýnany qurmettese bolǵany. Órmekshilerdi baspai, baiqap júretin arnaiy mádeniet bolýy tiis», - dedi ol.
Bozjyra shatqalynda safari-qonaqúidi salý ideiasyn qazirgi kezde qoǵamdyq belsendiler, jergilikti turǵyndar jáne ǵalymdarmen talqylanyp otyrǵanyn atap ótý kerek.
