Ridderde taý jynysy opyrylyp, shahtadaǵy ýchaskelerdiń birin basyp qaldy, dep habarlaidy QazAqparat.
«5 qańtarda «Kaztsink» JShS-ǵa qarasty Ridder taý-ken baiytý kesheniniń Ridder-Sokolnyi kenishindegi ýchaskelerdiń birin taý jynysy basyp qaldy. Bolǵan oqiǵa jaily aqparat túskennen keiin reglamentke sáikes, jer astynda jumys júrgizip jatqan qyzmetkerlerdiń bári syrtqa shyǵaryldy. Oqiǵa kezinde burǵylaýshymen bailanys úzilip qaldy» dep habarlandy «Kaztsink» JShS-niń Facebook paraqshasynda.
Birden qutqarý shtaby qurylyp, jumysqa kompaniia mamandarynan bólek, qutqarýshy otriad pen quziretti memlekettik organnyń ókilderi tartylǵan. 6 qańtardyń túninde qyzmetkermen bailanystyń retke keltirilgeni habarlandy.
«Jumysshyǵa jetý úshin qazir arnaiy operatsiiaǵa qatysýshylar barynsha kúsh salyp jatyr. Jumysqa úzdik quzyrly mamandar men tehnikalar tartylǵan. Oqiǵa ornynda meditsinalyq brigadanyń kezekshiligi jolǵa qoiyldy» delingen habarlamada.
