Foto: Polisia.kz
ShQO-da mas júrgizýshi politseilerdiń zańdy talabyna qarsy kelip, eskertýlerin elemegen, – dep habarlaidy Polisia.kz.
IIM baspasóz qyzmeti málimetinshe, 4 maýsymda saǵat 19:28 shamasynda Ridder qalasynda patrýldik politsiia vzvodynyń qyzmetkerleri Mazda 626 avtokóligin toqtatqan, onyń júrgizýshisi jol tańbasynyń úzdiksiz jolaǵyn kesip ótip, basyp ozý manevrin jasaý arqyly jol júrý erejesin buzǵan.
Atalǵan kólik quralyn toqtatqan kezde salonnan mas kúide bolǵan jolaýshy shyqqan. Er adam qarsylyq kórsetip, ádepsiz sóz sóilep, qyzmettik mindetterin atqaryp júrgen politsiia qyzmetkerlerine qarsy kelip, moiynsunbaǵan, tártip saqshylarynyń zańdy talaptardy saqtap, qoǵamdyq tártipti buzbai jáne avtokóligine otyrýdy suraǵan eskertýlerin elemegen, sodan keiin azamattyń odan ári zańsyz áreketterin toqtatý úshin politsiia qyzmetkerleri arnaiy qural qoldanǵan.
"Bul derek boiynsha jolaýshyǵa qatysty quqyq qorǵaý organy qyzmetkeriniń zańdy talabyna baǵynbaǵany úshin QR ÁQBtK-niń 667-baby 1-bóligi boiynsha ákimshilik hattama toltyryldy. Budan bólek, avtokólik júrgizýshisi QR ÁQBtK-niń 601-baby 1-bóligi boiynsha ákimshilik jaýapkershilikke tartyldy.
Ridder qalasynyń prokýratýrasyna usynylǵan portativti beine tirkegishtegi materialdar zerdelenip, olardyń nátijeleri boiynsha politsiia qyzmetkerleri tarapynan zańsyz áreketter anyqtalmady. Qazirgi ýaqytta zańdy tulǵanyń talabyna baǵynbaǵan azamatqa qatysty QR QK-niń 378-baby (Bilik ókilin qorlaý) boiynsha qylmystyq is qozǵaldy. Sotaldy tergeý amaldary júrgizilip jatyr", - delingen habarlamada.
