Qazaqstandyq rejisser Farhat Sháripovtiń «Shema» atty filmi 72-shi Berlin halyqaralyq kinofestivalinde gran-pridi utyp aldy, dep habarlaidy QazAqparat.
Qazaqstandyq film aitýly baiqaýǵa Generation (balalar jáne jasóspirimder týraly filmder) baǵdarlamasy boiynsha qatysty. Júlde film rejisseri Farhat Sháripovke tapsyryldy.
«Túsirilim tobyna maǵan degen senimi men eńbegi úshin alǵys aitamyn. Odan bólek, filmge túsken jas ártisterge erekshe rizashylyǵymdy bildiremin. Berlindegi komandaǵa jáne bizdi shaqyrǵany úshin rahmet! Baiqaýǵa qatysqanymyzǵa qýanyshtymyn! Film jasóspirimder týraly jáne jasóspirimderge arnalǵan», - dep aǵynan jaryldy Sháripov.
Film kastingke kelgen jasóspirimderdiń ashyq áńgimesi negizinde túsirildi. Farhat Sháripovtiń erkin aitylmaityn jabyq taqyrypty qolǵa alýy birinshi ret emes.
Túsirilim 2020 jyldyń kúzinde Almatyda bastaldy. Basty rólderde - Viktoriia Romanova men Tair Svintsov. Qoiýshy operator - Aleksandr Plotnikov, qoiýshy sýretshi - Aleksei Shindin, al prodiýseri - Dina Jumabek.
«Shema» filmin QR Mádeniet jáne sport ministrliginiń tapsyrysymen ulttyq kinony qoldaý memlekettik ortalyǵynyń qatysýymen Medeor kinokampaniiasy túsirdi.
