Ulttyq hareket partiiasynyń tóraǵasy Devlet Bahcheli Halyq aliansy atynan prezidenttikke talasatyn úmitkerler jaily aitty, dep habarlaidy QazAqparat Anadoly agenttigine silteme jasap.
Ol Rejep Taiyp Erdoǵannyń 2023 jylǵy maýsymda ótetin sailaýda Halyq aliansy atynan baq synaitynyn rastady.
«Bizdiń prezidenttikke úmitkerimiz belgili, ol - Rejep Taiyp Erdoǵan myrza. 2023 jyly maýsymda ótetin sailaýda Erdoǵan myrzanyń úlken basymdyqpen alǵa shyǵatynyna jáne Halyqtyq alianstyń taǵy bir jeńiske jetetinine senimdimin», - dedi Devlet Bahcheli.
Bahcheli kei ortada qazirgi prezident Erdoǵannyń budan bylai sailaýǵa túspeitini jaily túrli alyp-qashpa áńgime taraǵanyn sóz etip, bul málimdemeniń zańdy jáne konstitýtsiialyq negizi joq ekenin, obektivti shyndyqqa sai emestigin atap ótti.
