Memlekettik qyzmetterdi kórsetý sapasyna halyqtyń qanaǵattaný deńgeii anyqtaldy, dep habarlaidy "Ult aqparat".
Qoǵamdyq monitoring nátijeleri boiynsha halyqtyń memlekettik qyzmetter kórsetý sapasyna qanaǵattaný deńgeii – 75,1% qurady.
Memlekettik qyzmet isteri agenttigi 2020 jyly 70 memlekettik qyzmetti kórsetý sapasyna qoǵamdyq monitoringti uiymdastyrdy.
Saýalnamany Qazaqstandaǵy BUU Damý Baǵdarlamasynyń qoldaýymen«Talap» qoldanbaly zertteýler ortalyǵy júrgizdi.
Qoǵamdyq monitoringtiń maqsaty qyzmetti alýshylardyń memlekettik qyzmetter kórsetý sapasyna, qoljetimdiligine jáne tártibine qanaǵattaný deńgeiin aiqyndaý, sondai-aq barlyq memlekettik organdar men «Azamattarǵa arnalǵan úkimet» memlekettik korporatsiiasy kórsetetin qyzmettiń sapasy men qoljetimdiligi týraly qyzmet alýshylardyń usynystary negizinde olardy kórsetý kezindegi problemalyq máselelerdi anyqtaý bolyp tabylady.
Zertteýdiń negizgi tásilderine mynalar jatady: sandyq (jappai saýalnama) jáne sapalyq («tereń suhbat», «jasyryn satyp alýshy», fokýs-toptyq suhbat).
Zertteý memlekettik qyzmetterdi kórsetý sapasyn baǵalaýdyń myna negizgi ólshemsharttary boiynsha júrgizildi:
- qoljetimdilik (qyzmet alý barysynda ǵimaratqa, qyzmet alýshynyń servisterine, yńǵailylyqqa jáne jailylyqqa qoljetimdiligi);
- aqparat (qyzmetti alý tártibi týraly tolyq aqparat);
- qyzmetkerler (personaldyń jáne virtýaldy keńesshilerdiń jumysy);
- rásim, merzimder men kútý ýaqyty, shyǵyndar jáne keri bailanys (shaǵymdanýdyń qoldanystaǵy tártibine jáne nátijelerine).
Saýalnama eldiń barlyq óńirlerin, onyń ishinde 260-tan astam eldi mekendermen ózge elderdiń turǵyndaryn qosa alǵanda 9 myń respondentti qamtydy (jeke jáne zańdy tulǵalar, jeke kásipkerler, sarapshylar).
Ortalyq memlekettik organdar arasynda birinshi orynda Ulttyq ekonomika ministrligi, onyń qyzmetteri eń joǵary ballmen baǵalandy – 4,87 ball jáne qanaǵattaný deńgeii 88,1%.
Ekinshi jáne úshinshi orynda Qorǵanys ministrligi (4,86 nemese 88,7%) men Memlekettik qyzmet isteri agenttigi (4,86 nemese 85%).
Reitingtiń aýtsaiderleri qatarynda:
- Tsifrlyq damý, innovatsiialar jáne aeroǵarysh ónerkásibi ministrligi (4,59 ball nemese 72,1%);
- Aqparat jáne qoǵamdyq damý ministrligi (4,53 nemese 72,6%);
- Indýstriia jáne infraqurylymdyq damý ministrligi (4,49 nemese 70,6%).
Jergilikti atqarýshy organdar arasynda birinshi oryndy Aqmola oblysy (4,73 balla nemese 80,3%) aldy.
Ekinshi jáne úshinshi orynda Pavlodar (4,71 nemese 78,4%) jáne Shyǵys Qazaqstan (4,68 nemese 77,2%) oblystary.
Óńirler reitinginiń aýtsaiderleri:
- Shymkent (4,56 nemese 73,4%);
- Almaty (4,56 nemese 73,3%);
- Nur-Sultan (4,56 nemese 72,7%).
Monitoring barysynda qyzmet alýshylar memlekettik organdardyń shaǵymdarǵa keri bailanystyń álsizdigi, Memlekettik qyzmetterdi ashyq qoljetimdilikte kórsetý tártibi týraly qajetti aqparatty izdeýdiń qiyndyǵy bóligindegi jumysyna narazylyqtaryn bildirdi.
Sondai-aq memlekettik qyzmetterdi kórsetýdiń jekelegen protsesterin avtomattandyrý, aqparattyq júielerdi «elektrondyq úkimet» portalymen integratsiialaý boiynsha usynystar kelip tústi.
Azamattardyń shaǵymdarynyń kópshiligi 1414 Biryńǵai bailanys ortalyǵynyń qyzmeti týdyrdy (qońyraý shalý múmkindiginiń joqtyǵy, konsýltatsiialardyń tómen sapasy, BBO qyzmetkerleriniń biliksizdigi).
Búgin múddeli memlekettik organdarǵa 2020 jyly ótkizilgen qoǵamdyq monitoring nátijeleri joldandy, osynyń negizinde memlekettik qyzmetterdi kórsetý sapasyna qoǵamdyq monitoring esebinde kórsetilgen usynymdardy oryndaý boiynsha sharalar qabyldanatyn bolady.
Óz kezeginde qoǵamdyq monitoring usynymdaryn oryndaý Memlekettik qyzmet isteri agenttiginiń turaqty baqylaýynda.
