Memleket basshysy Qasym-Jomart Toqaevtyń tapsyrmasy boiynsha quqyq qorǵaý organdary dárilik zattardyń zańsyz ainalymy, olardy qoldan jasaý, sondai-aq olardy joǵary baǵamen satý faktilerin anyqtaý boiynsha jumys júrgizýde.
Bul týraly "Ult aqparat" QR Bas prokýratýrasynyń baspasóz qyzmetine silteme jasap habarlaidy.
Baspasóz qyzmetiniń málimetterine qaraǵanda, jumystyń tiimdiligin qamtamasyz etý maqsatynda barlyq óńirlerde prokýrorlardyń basshylyǵymen ekonomikalyq tergeý, politsiia, memlekettik kirister jáne taýarlar men qyzmetterdiń qaýipsizdigin baqylaý qyzmetiniń qyzmetkerlerinen turatyn jumys toptary quryldy. Arnaiy júrgizilgen reidterdiń barysynda 650 dárihananyń dárini joǵary baǵamen satý faktileri anyqtaldy.
«Almaty qalasynda koronavirýstyq infektsiiadan emdeýde qoldanylatyn 60 myń dana jasandy dári-dármek («Tsefamed», «Tserakson», «Tseftazidin», «Fiziotens») daiyndaý tsehy anyqtaldy. Osy fakti boiynsha QR QK-niń 222, 262 jáne 323-baptary boiynsha tergeý amaldary júrgizilýde, kúdiktiler qamaýǵa alyndy»,-delingen habarlamada.
Sonymen qatar onda dári-dármek tapshylyǵyn jasandy túrde týdyrý arqyly (tseftriakson, azitromitsin, paratsetamol jáne t.b. bar bola tura) elordalyq dárihanalardyń biri olardy qosalqy úi-jaiynan (sertifikatsyz jáne fiskaldy chektersiz) joǵary baǵamen satqany aitylǵan.
«Atalǵan dárihanadan jalpy somasy 1,7 mln. teńgege 2811 qaptamadaǵy dári-dármek alyndy. Batys Qazaqstan oblysynda Resei Federatsiiasymen shekarada tiisti qujattarsyz 5342 qaptama men 3160 ampýlany, sondai-aq 10 mln.teńgeden astam somaǵa 2 myń meditsinalyq buiymdy zańsyz ákelýdiń joly kesildi. Sot kináli tulǵaǵa 277 myń teńge kóleminde aiyppul salynyp, dári-dármek memleket paidasyna tárkilendi. Dári-dármekter men meditsinalyq buiymdar Densaýlyq saqtaý basqarmasyna berildi. Jalpy tekserý sharalarynyń qorytyndysy boiynsha 694 adam ákimshilik jaýapqa tartyldy, zańsyz ainalymnan jalpy 770 mln. teńgeniń 400 myńnan astam meditsinalyq dári-dármekteri men meditsinalyq maqsattaǵy buiymdary alyndy. Iri zalal keltirilgen faktiler boiynsha sotqa deiingi tergep-tekserý júrgizilýde. Kináli tulǵalardy jazalaýdyń bultartpastyǵyn qamtamasyz etý úshin qylmystyq isterdi tergeý jáne ákimshilik materialdardy qaraý barysy prokýratýranyń baqylaýynda»,-delingen Bas prokýratýranyń aqparatynda.
Sonymen qatar materialda adal kásipkerlerdiń quqyqtaryn buzý faktileriniń jolyn kesý maqsatynda prokýratýra janynan qurylǵan biznesti qorǵaý jónindegi mobildi toptardyń jumysy jandandyrylǵandyǵy aitylady. Tekserý sharalary jalǵasýda. Sondai-aq prokýratýra organdary sanitarlyq-epidemiologiialyq talaptardy buzǵany úshin sharalar qabyldaý kezinde zańdylyqty qamtamasyz etedi.
Belgilengen karantindik shekteýlerdi, onyń ishinde betperde rejimin buzǵany úshin Ákimshilik quqyq buzýshylyq týraly kodekstiń 425-babynyń 1-bóligi boiynsha jeke tulǵalarǵa 30 AEK mólsherinde aiyppul salýǵa ákep soǵatyn jaýapkershilik kózdelgen. Osy bap boiynsha 3467 adam jaýapqa tartyldy.
Mysaly, betperdesiz satyp alýshylarǵa qyzmet kórsetkeni úshin Almaty qalasyndaǵy dárihanalardyń birindegi farmatsevtke ákimshilik aiyppul salyndy. Sol siiaqty, qoǵamdyq kólikte betperdesiz júrgeni úshin azamatshaǵa aiyppul salyndy.
«Kiná moiyndalǵan jaǵaida zańnama kináli adamǵa 7 táýlik ishinde aiyppuldyń jartysyn tóleýge quqyq beretinine nazar aýdaramyz. Ózge jaǵdaida istiń naqty mán-jailaryna súiene otyryp, ýákiletti organ aiyppul mólsherin 1/3 (30%) derbes qysqartýǵa quqyly»,-dep jazady prokýratýra organdary.
