Revaktsinatsiia adam immýnitetin kúsheitedi. Bul týraly Óńirlik kommýnikatsiialar qyzmetiniń alańynda S. Asfendiiarov atyndaǵy QazUMÝ jalpy immýnologiia kafedrasynyń meńgerýshisi, meditsina ǵylymdarynyń kandidaty Elmira Bitanova aitty, dep habarlaidy QazAqparat.
Dárigerdiń sózinshe, alty aidan keiin vaktsinatsiialanǵan antidenelerdiń deńgeii tómendeidi, iaǵni aýrýdyń yqtimaldyǵy artady.
«Revaktsinatsiianyń máni – halyqtyń immýndyq qabatyn qoldaý. Immýndyq jaýaptyń ózindik zańdylyqtary bar. Antigenmen ár kezdesý este saqtaý jasýshalaryn nyǵaitady. Údetkish vaktsinatsiiadan keiin immýnitet kúshti bolady», - dedi immýnolog.
Dáriger vaktsinanyń eki dozasyn da alǵanyn, onyń egde jastaǵy anasy da vaktsinalanǵanyn atap ótti.
Sonymen qatar, ol qala turǵyndaryn tumaýǵa jáne koronavirýsqa qarsy vaktsina alýǵa shaqyrdy.
«Baqylaý nátijeleri COVID-19 vaktsinalarynyń qorǵanys áseri tómendeýi múmkin ekenin kórsetedi. Sondyqtan ádistemelik usynystar jańa shtamdardan jetkilikti qorǵanys úshin revaktsinatsiiany kórsetedi. Vaktsinalar immýndyq reaktsiiany kúsheitý úshin jasalady. Immýndyq júie jattyǵady, vaktsinalar oǵan trenajer bolyp sanalady», - dep qosty Elmira Bitanova.
Onyń aitýynsha, vaktsinatsiia men revaktsinatsiiadan keiin immýnitet aýrýdan keiingi immýnitetke qaraǵanda kúshti. Bul jaǵdaida antidenelerdiń titrine nazar aýdarýdyń qajeti joq, jasýshalyq immýnitettiń qanshalyqty daiyndalǵany úlken mánge ie.
«Bul qaýipti infektsiia, onymen oinaýǵa bolmaidy. Údetkish vaktsina siiaqty qural bolǵandyqtan, ony alý kerek», - dedi spiker.
Immýnolog almatylyqtardy betperde rejimin jáne basqa da belgilengen sanitarlyq talaptardy saqtaýǵa shaqyrdy, óitkeni qalada JRVI jaǵdailarynyń sany kóp.
Bul infektsiianyń belgileri koronavirýsqa uqsas.
Spiker JRVI-men jylyna tórt ret aýyratyn eresekterdiń barynsha saq bolýy kerektigin atap ótti.
