Aýa raiynyń qolaisyzdyǵyna bailanysty jabylǵan barlyq jol kólik qozǵalysy úshin ashyldy, dep habarlaidy "Ult aqparat".
«Respýblikalyq mańyzy bar avtojoldardaǵy qozǵalys barlyq baǵyttar boiynsha ashyq», - delingen QR Indýstriia jáne infraqurylymdyq damý ministrliginiń Telegram paraqshasynda jariialanǵan aqparatta.
Esterińizge sala ketsek, keshe Soltústik Qazaqstan oblysynda jel kúsheiip, boran soǵý qaýpine bailanysty saǵat 17:00 bastap oblystyq joldarda barlyq baǵyt boiynsha jol jabyldy. Kóliktiń barlyq túriniń júrýine tyiym salynǵan.
Sonymen qatar 20 qańtar saǵat 21:00 bastap aýa raiynyń qolaisyzdyǵyna, naqty aitqanda boranǵa bailanysty respýblikalyq mańyzy bar «Almaty - Óskemen» tasjolynyń 778-967 shaqyrymy (Aiagóz qalasy men Jarma aýdany Qalbataý aýylynyń arasy) barlyq avtokólik túrleri úshin jabyldy.
Munan bólek, keshe saǵat 21-15-te Almaty oblysynda aýa raiynyń buzylýyna bailanysty «Almaty-Óskemen» tasjolynyń 25-39 shaqyrymynda, Almaty qalasymen Áli kenti aralyǵynda kóliktiń barlyq túri úshin qozǵalysqa tyiym salynǵan edi.
