QR Premer-Ministri Asqar Maminniń tóraǵalyǵymen Memleket basshysy Qasym-Jomart Toqaevtyń tapsyrmasymen qurylǵan respýblikalyq Jedel áreket etý shtabynyń alǵashqy otyrysy ótti, dep jazady primeminister.kz.
Biýdjet shyǵystaryn qysqartý, respýblikalyq jáne jergilikti biýdjetterdi ońtailandyrý sharalary týraly Premer-Ministrdiń Birinshi orynbasary – qarjy ministri Á. Smaiylov, makroekonomikalyq, qarjylyq jáne áleýmettik turaqtylyqty qamtamasyz etý týraly ulttyq ekonomika ministri R. Dálenov pen Ulttyq Bank tóraǵasy E. Dosaev baiandady. Sonymen qatar syrtqy ister ministri M. Tileýberdi, saýda jáne integratsiia ministri B. Sultanov jáne respýblikalyq Jedel áreket etý shtabynyń basqa da músheleri aqparatpen bólisti.
Otyrysqa qatysýshylar álemdik koniýnktýranyń ózgerýi jaǵdaiyndaǵy energetikalyq naryqtaǵy jai-kúidi, áleýmettik mańyzy bar azyq-túlik ónimderine baǵa belgileýdi baqylaý sharalaryn jáne eldegi áleýmettik-ekonomikalyq turaqtylyqty qamtamasyz etýdiń basqa da ózekti máselelerin talqylady.
Daǵdarysqa qarsy is-qimyl josparyna engizýge qajetti usynystar jáne halyqty jumyspen qamtýdy qoldaý jónindegi arnaiy jospar qaraldy. Syrtqy ekonomikalyq syn-tegeýrinderden jáne syrtqy naryqtardaǵy qalyptasqan jaǵdaidan táýekelderdi nivelirleý jónindegi sharalar talqylandy.
