Qazaqstan tasjoldarynyń 32 ýchaskesinde beinebaqylaý kameralary ornatylady, dep habarlaidy "Ult aqparat".
«Aqyly joldarda tólem alý júiesin ornatý jáne qyzmet kórsetýge qatysty investitsiialyq joba aiasynda biyl elimizdiń tasjoldarynda beinebaqylaý kameralary ornatyla bastaidy. Jalpy alǵanda, elimizde respýblikalyq mańyzy bar avtomobil joldarynyń 11 myń shaqyrymynda 600 beinebaqylaý kamerasy ornatylady dep josparlanýda», - delingen QR Indýstriia jáne infraqurylymdyq damý ministrliginiń aqparatynda.
Kameralar el joldaryndaǵy qozǵalysty táýlik boiy baqylaityn bolady. Tutastai alǵanda, mundai qondyrǵylar 2024 jylǵa deiin elimizdegi respýblikalyq mańyzy bar joldardyń 32 ýchaskesinde paida bolmaq.
«Ázirleýshilerdiń aitýyna qaraǵanda, esepteý qýattylyǵy men arnaiy baǵdarlamalyq qamtamasyz etý aqparattyń keń kólemin naqty ýaqyt rejiminde óńdeýge múmkindik beredi. Osylaisha, kólik qozǵalysynyń jyldamdyǵy men baǵyty, jeke derekterdi paidalanýsyz kólik quralynyń tipi sondai-aq, jol jiegimen qozǵalyp kele jatqan jáne memlekettik tirkeý nómirinsiz júrgen avtokólikter anyqtalatyn bolady», - dedi vedomstvodan.
