QR Bilim jáne ǵylym ministriniń buiryǵymen Kamila Basharova «Daryn» respýblikalyq ǵylymi-praktikalyq ortalyǵynyń direktory bolyp taǵaiyndaldy, dep habarlaidy "Ult aqparat".
Ortalyqtyń baspasóz qyzmetiniń málimetinshe, Kamila Qýanyshbaiqyzy - daryndy balalarmen jumys isteýge mashyqtanǵan elimizdegi tanymal mamandardyń biri, Qazaqstannyń bilim berý isiniń qurmetti qyzmetkeri, «Olimpiada qozǵalysyna adaldyǵy úshin» atalymynyń «Olimp shyńyna jeteleýshi» ataǵynyń birneshe dúrkin iegeri, sonymen qatar balalardy tiimdi oqytýǵa yqpal etetin «Naýchis legko ýchitsia» kýrsynyń avtory jáne ázirleýshisi.
«Daryn» 1998 jyly Qazaqstan Prezidentiniń tapsyrmasymen qurylǵan. Ortalyqtń negizgi maqsaty - Qazaqstannyń daryndy balalarynyń áleýetti múmkindikterin anyqtaýǵa, damytýǵa jáne júzege asyrýǵa jaǵdai jasaý.
