Aýǵan-ózbek shekarasyndaǵy kópir.
Tashkenttiń tálipter biligin moiyndaýynyń bir sharty - Aýǵanstanda qoǵamnyń barlyq saiasi kúshterinen turatyn memlekettik qurylymnyń bolýy.
20 qazanda Máskeýde Ózbekstan prezidentiniń Aýǵanstan jónindegi arnaiy ókili Ismatýlla Irgashev osylai málimdedi, dep habarlady reseilik jáne ózbek aqparat quraldary.
Sársenbide Resei astanasynda bastalǵan Aýǵanstan jóninde pikir almasý jiynyna on eldiń ókilderi qatysyp jatyr.
"Taliban" úkimeti Doha kelisimindegi jaýapkershilikterin moiyndasa, sonymen birge aýǵan qoǵamyndaǵy barlyq saiasi taraptardan turatyn úkimet qursa, onda Ózbekstan bul úkimetti moiyndaýy múmkin, deidi Irgashev. Adam quqyqtaryn saqtaý, sonymen birge Aýǵanstan aýmaǵyn sodyrlardyń paidalanýyna jol bermeý máseleleri de Tashkent shartynda bar.
Ózbekstan prezidentiniń Aýǵanstan jónindegi arnaiy ókiliniń málimdeýinshe, Tashkent ázirge tálipter basqaratyn ýaqytsha úkimetti moiyndai almaidy.
Ózbekstannyń resmi ókilderi "Taliban" úkimetin zań júzinde moiyndai almasa da, is júzinde onymen tyǵyz áriptestik ornata alatynyn málimdep júr.
