Resei halqynyń kópshiligi (58 paiyzy) elde bolyp jatqan oqiǵalarǵa "eshqandai yqpalymyz joq" dep sanaidy. Al, 38 paiyzy "yqpal ete alamyz" dep oilaidy. Suralǵandardyń 6 paiyzy Reseidegi oqiǵalarǵa "eleýli áser etip otyrmyz" dese, tek 5 paiyzy "yqpal etýge tolyq múmkindigimiz bar" dep biledi. Bul derekter "Levada-tsentr" ortalyǵynyń qyrkúiektiń sońy, qazannyń basynda júrgizgen saýalnamasynan keiin paida bolǵan.
Respondentterdiń 13 paiyzy Reseidegi oqiǵalarǵa "tolyq jaýaptymyz" dep sanaidy. 39 paiyzy ózderin jaýapty sezinbeidi.
Suraý nátijelerine qaraǵanda, reseilikter kóbine óz otbasyndaǵy (95 paiyzy) jáne jumysyndaǵy (62 paiyzy) jaǵdaiǵa qandai da bir deńgeide yqpal ete alamyz dep oilaidy. Basym kópshili ózi ómir súretin qalaǵa nemese aýdanǵa yqpal etetine senedi.
