Foto: pixabay.com
Reseilikter Máskeýden Túrkiiaǵa, Ázerbaijanǵa, Armeniiaǵa jáne basqa kórshiles vizasyz elderge tikelei reisterge biletter satyp aldy. Bul týraly RBK agenttigi áýekompaniialar men bilet agregatorlarynyń saittaryna silteme jasai otyryp jazady, dep habarlaidy kaz.tengritravel.kz saity.
Aviasales qyzmetiniń málimetinshe, qazirgi ýaqytta reseilikter Máskeýden Ystambulǵa tikelei reiske biletti 23 qyrkúiek, jumadan buryn satyp ala almaidy. Onyń baǵasy 76 myń rýblden (606 myń teńge) bastalady. Reisti "Aeroflot" áýekompaniiasy oryndaidy. Alaida tasymaldaýshynyń saitynda mundai bilet joq. Ystambulǵa eń jaqyn qoljetimdi tikelei reis - 25 qyrkúiek. Bilettiń quny 58 myń rýblden (463 myń teńge) asady. Sonymen qatar, Turkish Airlines uqsas reiske biletterdi 82 myń rýblge (654 myń teńge) usynady, biraq ol jerge 24 qyrkúiekten erterek ushýǵa bilet joq.
Uqsas jaǵdai Máskeýden Erevanǵa tikelei reisterde de baiqalady. Aeroflot saitynda 23 qyrkúiekte tek biznes-klasqa biletter qalǵan (122 myń rýblden bastap (974 myń teńgeden). Sonymen qatar, 24 qyrkúiekte reseilikter 62 myń rýblge (495 myń teńge) "únemdep" ushyp kete alady. Aeroflottan Bakýge tikelei reiske biletti 23 qyrkúiekten erte emes jáne 75 myń rýblge (599 myń teńge) satyp alýǵa bolady.
Sonymen qatar, "Ázerbaijan áýejelileri" 22 qyrkúiekten bastap 719 eýroǵa (342 myń teńge), 24 qyrkúiekke 394 eýroǵa (187 myń teńge) biletter usynady. 23 qyrkúiekten bastap reseilikter Tashkentke usha alady dep habarlanǵan. Baǵa - 64 myń rýbl (510 myń teńge).
