Foto: instagram.com/typicaluralsk
Ishinara mobilizatsiia bastalǵannan keiin Qazaqstanǵa kelgen Resei azamattary shekara beketterindegi jaǵdai týraly aitty, - dep habarlaidy Tengrinews.kz agenttigi.
Alimbet esimdi Resei azamatynyń aitýynsha, shekaradan ótý protsesi eki saǵatqa sozylǵan.
"Aitarlyqtai jyldam, Shymkenttegi týystarymyzǵa bara jatyrmyz", - deidi Alimbet.
23 jastaǵy IT-maman Qazaqstanǵa otbasymen kelgen.
"Qazir týystarymyzǵa baramyz - kópten beri shaqyryp júrgen. Myna túsiniksiz jaǵdai kezinde bir aptaǵa demalysqa shyǵýdy uiǵardyq. Bizdi kútip otyr", - dedi taǵy bir er adam.
Reseilik áiel Natalia da Qazaqstanǵa otbasymen Ekaterinbýrgten kelgenin aitty.
"Men medbike jáne áskeri qyzmetke mindetti adammyn. Biz Qazaqstanǵa 21 qyrkúiekte kelip, Qostanaiǵa turaqtadyq. Qazaqstanda jaldamaly páterde turdyq. Bir aptaǵa jýyq osynda bolýdy josparlap otyrmyz. Aziiaǵa bilet satyp alyp jatyryz. Bolashaqta Tailandqa ushýdy josparlap otyrmyz. Onsyz da Qazaqstan arqyly ushqymyz kelgen, qarashanyń aiaǵyna qarai, biraq qazirgi jaǵdaiǵa bailanysty erte kelýdi jón kórdik", - dedi Natalia.
Áieldiń aitýynsha, onyń tólqujatynda áskeri mindetti degen belgi bar, biraq shekaradan ótýde esh qiyndyq bolmaǵan.
Taǵy bir reseilik Saratovtan Oralǵa bara jatqan jolda 13 saǵat boiy Qazaqstanǵa kiretin pýnktte bolǵanyn aitqan.
Eske salaiyq, 21 qyrkúiekte Reseide ishinara mobilizatsiia jariialanǵan bolatyn. Federatsiia biligi armiiaǵa 300 000 zapastaǵy jaýyngerdi shaqyrýǵa nietti.
