فوتو: instagram.com/typicaluralsk
ٸشٸنارا موبيليزاتسييا باستالعاننان كەيٸن قازاقستانعا كەلگەن رەسەي ازاماتتارى شەكارا بەكەتتەرٸندەگٸ جاعداي تۋرالى ايتتى, - دەپ حابارلايدى Tengrinews.kz اگەنتتٸگٸ.
اليمبەت ەسٸمدٸ رەسەي ازاماتىنىڭ ايتۋىنشا, شەكارادان ٶتۋ پروتسەسٸ ەكٸ ساعاتقا سوزىلعان.
"ايتارلىقتاي جىلدام, شىمكەنتتەگٸ تۋىستارىمىزعا بارا جاتىرمىز", - دەيدٸ اليمبەت.
23 جاستاعى IT-مامان قازاقستانعا وتباسىمەن كەلگەن.
"قازٸر تۋىستارىمىزعا بارامىز - كٶپتەن بەرٸ شاقىرىپ جٷرگەن. مىنا تٷسٸنٸكسٸز جاعداي كەزٸندە بٸر اپتاعا دەمالىسقا شىعۋدى ۇيعاردىق. بٸزدٸ كٷتٸپ وتىر", - دەدٸ تاعى بٸر ەر ادام.
رەسەيلٸك ەيەل ناتاليا دا قازاقستانعا وتباسىمەن ەكاتەرينبۋرگتەن كەلگەنٸن ايتتى.
"مەن مەدبيكە جەنە ەسكەري قىزمەتكە مٸندەتتٸ اداممىن. بٸز قازاقستانعا 21 قىركٷيەكتە كەلٸپ, قوستانايعا تۇراقتادىق. قازاقستاندا جالدامالى پەتەردە تۇردىق. بٸر اپتاعا جۋىق وسىندا بولۋدى جوسپارلاپ وتىرمىز. ازيياعا بيلەت ساتىپ الىپ جاتىرىز. بولاشاقتا تايلاندقا ۇشۋدى جوسپارلاپ وتىرمىز. ونسىز دا قازاقستان ارقىلى ۇشقىمىز كەلگەن, قاراشانىڭ اياعىنا قاراي, بٸراق قازٸرگٸ جاعدايعا بايلانىستى ەرتە كەلۋدٸ جٶن كٶردٸك", - دەدٸ ناتاليا.
ەيەلدٸڭ ايتۋىنشا, ونىڭ تٶلقۇجاتىندا ەسكەري مٸندەتتٸ دەگەن بەلگٸ بار, بٸراق شەكارادان ٶتۋدە ەش قيىندىق بولماعان.
تاعى بٸر رەسەيلٸك ساراتوۆتان ورالعا بارا جاتقان جولدا 13 ساعات بويى قازاقستانعا كٸرەتٸن پۋنكتتە بولعانىن ايتقان.
ەسكە سالايىق, 21 قىركٷيەكتە رەسەيدە ٸشٸنارا موبيليزاتسييا جارييالانعان بولاتىن. فەدەراتسييا بيلٸگٸ ارميياعا 300 000 زاپاستاعى جاۋىنگەردٸ شاقىرۋعا نيەتتٸ.
