Aqtóbe oblysyna kelgen reseilikter balalar lagerlerine ýaqytsha ornalastyrylady, - dep habarlaidy Tengrinews.kz "Diapazonǵa" silteme jasap.
Aqtóbe oblysynyń ákimi Eraly Toǵjanov jýrnalistermen kezdesýde sońǵy aptada aimaqqa 7 myń reseilik kelgenin, taǵy 2 myńy kezekte turǵanyn aitty.
"Qazir páterdi bir kúndik jaldaý aqysy 40-50 myń teńgege deiin ósti. Biraq bizdiń oǵan aralasýǵa quqyǵymyz joq. Bul azamattar qinalǵannan kelip jatyr, balalarymen bas saýǵalap kelgender de bar. Eń bastysy - biz qoǵamdyq qaýipsizdikti qamtamasyz etýimiz kerek. Qazir biz arnaiy tirkeý ortalyǵyn uiymdastyrdyq. Búgin 1500-den asa adam jeke sáikestendirý nómerin aldy. Iaǵni olar elde qalǵysy keledi degen sóz. Qalǵandary ketýge nietti. Bul otbasylardy jylytýy bar jazǵy lagerlerge ornalastyrýdy uiǵardyq. Osy lagerlerdiń basshylyǵymen sóilestik. Ol jerde qaýipsizdik qamtamasyz etiledi. Bir kúnge bir orynǵa shamamen 10-15 myń teńge tólenedi. Bul úsh lagerge 500-ge jýyq adam ornalasa alady", - dedi oblys ákimi.
