اقتٶبە وبلىسىنا كەلگەن رەسەيلٸكتەر بالالار لاگەرلەرٸنە ۋاقىتشا ورنالاستىرىلادى, - دەپ حابارلايدى Tengrinews.kz "دياپازونعا" سٸلتەمە جاساپ.
اقتٶبە وبلىسىنىڭ ەكٸمٸ ەرالى توعجانوۆ جۋرناليستەرمەن كەزدەسۋدە سوڭعى اپتادا ايماققا 7 مىڭ رەسەيلٸك كەلگەنٸن, تاعى 2 مىڭى كەزەكتە تۇرعانىن ايتتى.
"قازٸر پەتەردٸ بٸر كٷندٸك جالداۋ اقىسى 40-50 مىڭ تەڭگەگە دەيٸن ٶستٸ. بٸراق بٸزدٸڭ وعان ارالاسۋعا قۇقىعىمىز جوق. بۇل ازاماتتار قينالعاننان كەلٸپ جاتىر, بالالارىمەن باس ساۋعالاپ كەلگەندەر دە بار. ەڭ باستىسى - بٸز قوعامدىق قاۋٸپسٸزدٸكتٸ قامتاماسىز ەتۋٸمٸز كەرەك. قازٸر بٸز ارنايى تٸركەۋ ورتالىعىن ۇيىمداستىردىق. بٷگٸن 1500-دەن اسا ادام جەكە سەيكەستەندٸرۋ نٶمەرٸن الدى. ياعني ولار ەلدە قالعىسى كەلەدٸ دەگەن سٶز. قالعاندارى كەتۋگە نيەتتٸ. بۇل وتباسىلاردى جىلىتۋى بار جازعى لاگەرلەرگە ورنالاستىرۋدى ۇيعاردىق. وسى لاگەرلەردٸڭ باسشىلىعىمەن سٶيلەستٸك. ول جەردە قاۋٸپسٸزدٸك قامتاماسىز ەتٸلەدٸ. بٸر كٷنگە بٸر ورىنعا شامامەن 10-15 مىڭ تەڭگە تٶلەنەدٸ. بۇل ٷش لاگەرگە 500-گە جۋىق ادام ورنالاسا الادى", - دەدٸ وبلىس ەكٸمٸ.
