Qaraǵandy farmatsevtikalyq kesheni (QFK) COVID-19-ǵa qarsy vaktsina shyǵaratyn alań retinde tańdaldy. Qazaqstan Respýblikasynyń Prezidenti Qasym-Jomart Toqaev pen Resei Federatsiiasynyń Prezidenti Vladimir Pýtin arasyndaǵy ýaǵdalastyqtardy júzege asyrý aiasynda munda reseilik «Spýtnik V» vaktsinasynyń alǵashqy úlgisi shyǵaryldy, dep habarlaidy QazAqparat.
Qarasha aiynda QR Densaýlyq saqtaý ministrliginiń komissiiasy men RQAO mamandary Qazaqstannyń farmatsevtikalyq kásiporyndaryn aralady. Olar negizinen osy nysandardyń tehnologiia transfertin jyldam júzege asyrýǵa jáne vaktsina óndirýge daiyndyǵyn zerttedi. QFK biotehnologiialyq kásiporyn bolǵandyqtan, Qaraǵandy farmkesheni eń daiyn kásiporyn bolyp shyqty. Olardyń jabdyqtary men protsesteri vaktsinanyń daiyn formasyn óndirý tehnologiiasyna sáikes keledi.
«Jeltoqsan aiynyń basynda protsess transferi bastaldy. Reseiden mamandar keldi. Olar óndiris alańy jumysynyń aýditin júrgizdi jáne usynystar berdi. Biz óz kezegimizde barlyq qajettilikterdi tez ázirledik. Iaǵni, biz jabdyqtardy retke keltirip, mamandardy daiyndadyq. Qazir seriialyq óndiriske arnalǵan jabdyqtardy ázirlep jatyrmyz. Keshe biz osy vaktsinanyń tájiribeli seriialaryn shyǵardyq. Búgin olar Reseige sapasyn baqylaýǵa jiberildi», - dep túsindirdi QFK bas direktory Sergei Baron.
Bir ai ishinde Reseidiń N.F. Gamaleia atyndaǵy epidemiologiia jáne mikrobiologiia ǵylymi ortalyǵynda sapany baqylaý júrgiziledi. Nátijelerdi alǵannan keiin QR Densaýlyq saqtaý ministrligine tirkeýge ótinim beriletin bolady. Vaktsina Qazaqstanda tirkelgen soń, onyń ónerkásiptik óndirisi bastalady. Vaktsinanyń iesi - «Reseidiń tikelei investitsiialar qory». Al Qaraǵandy farmatsevtikalyq kesheni óndiris alańy bolyp tabylady.
Qosymsha Qaraǵandy farmatsevtikalyq keshenine vaktsinany shokty qatyrý protsesi úshin qajetti tońazytqysh jabdyǵyn satyp alý qajet boldy.
«Bizdiń aldymyzǵa qysqa merzimde transfer júrgizý jáne bizdiń óndiristik alańymyzda reseilik «Spýtnik V« vaktsinasynyń daiyn túrin óndirýdi jolǵa qoiý mindeti qoiyldy. QR Densaýlyq saqtaý ministrligi 4 jeltoqsanda «Resei tikelei investitsiialar qory« memlekettik kompaniiasy –tehnologiia iesimen jáne noý-haýmen yntymaqtastyq týraly kelisimge qol qoidy. 13 jeltoqsanda bizge daiyn ónimniń validatsiialyq seriialaryn óńdeýge arnalǵan sýbstantsiia berildi», - deidi QFK bas direktory Sergei Baron.
Aita ketý kerek, «Qaraǵandy farmatsevtikalyq kesheni» JShS - birinshi otandyq biotehnologiialyq kásiporyn. Zaýyt jetekshi eýropalyq óndirýshilerdiń jabdyqtarymen jabdyqtalǵan. 2012 jyldan bastap QFK óndirisin damytýǵa salynǵan investitsiialar kólemi 100 mln teńgeni qurady.
