«Chempionat» reseilik portaly qazaqstandyq boksshy Gennadii Golovkin meksikalyq Saýl «Kanelo» Alvareske qarsy revanshta jeńgeni jaily naqty dálelder keltirdi, dep habarlaidy "Ult aqparat" Sports.kz saityna silteme jasap.
«Boksshylar revansh ótkizý úshin biraz qiyndyqtardan ótti. Ol meksikalyq boksshynyń doping daýymen bailanysty boldy. «Kanelo» aǵzasynan klenbýterol tabylyp, 2018 jyldyń mamyryndaǵy aiqas keiinge qaldyryldy. Gennadii ýaqyt joǵaltyp almas úshin Vanes Martirosianmen aiqas ótkizdi.
Jalpy, «Kanelo» men GGG ekinshi jekpe-jegi birinshi kezdesýdiń jalǵasy boldy. Boksshylar ashyq jáne sapaly boks kórsetti, tynbai jumys istedi. Birinshi kezdesýmen salystyrǵanda Saýl ústem boldy. Alaida, ol kezdesý barysyn baqylaýǵa aldy dep aitýǵa kelmeidi. Jekpe-jek kezinde ekeýi de aýyr soqqyǵa tótep bere alatynyn kórsetti. Chempiondyq raýndtarda qazaqstandyq basym bolyp kórindi. Biraq, qarsylasyn jeńý úshin bul da jetkiliksiz edi. Sondai-aq, tóreshiler jeńisti Saýlge berdi - 114:114, 115:113 jáne 115:113.
Statistikaǵa qarasaq, tóreshilerdiń aǵat sheshimi taǵy da kórinip-aq tur. Bul joly protsenttik turǵydan «Kanelo» Gennadiige qaraǵanda aitarlyqtai dálirek boldy. Ol sonymen birge, qarsylasyna baǵyttalǵan soqqylardyń sany boiynsha alshaqtyqty qysqarta aldy. Biraq sandarǵa qarasań, jaqsy nátije kórsetpegen – 622 soqqynyń 202-si (32,5%), Golovkinde 879 soqqynyń 234-i (26,6%) dál tigen. Bul sandarǵa qarap-aq kimniń jeńgenin kórýge bolady», - dep jazdy portal.
