Reseilik óndirýshilerdiń ónimderinen stafilokokk pen ishek taiaqshasy tabyldy. Bul týraly «Ult aqparat» Ulttyq saraptama ortalyǵynyń baspasóz qyzmetine silteme jasap habarlaidy.
Qostanai oblysynyń dúken sórelerine túsken reseilik óndirýshilerdiń et ónimderinen qaýipti bakteriialar anyqtaldy.
Osylaisha, QR Densaýlyq saqtaý ministrliginiń Ulttyq saraptama ortalyǵynyń mamandary óndirýshi «Chinkova» JK (Cheliabi oblysy) usynǵan «Premiým» pisirilgen shujyǵynan patogendi stafilokokk tapty.
Sondai - aq, Qostanai oblysy boiynsha USO mamandary reseilik óndirýshi «Smirnov» JK (Cheliabi oblysy) ónimderiniń «Kotletnyi» broiler-balapandar etinen jasalǵan jartylai fabrikatta ishek taiaqshasy tobynyń bakteriiasyn anyqtady.
Ishek taiaqshalary tobynyń bakteriialary «Saran konservi zaýyty» AQ (Mordoviia Respýblikasy, Resei) óndiretin qoiyltylǵan sút synamalarynan da tabyldy.
Úlgilerdi aǵymdaǵy jyldyń qańtar aiynda halyq tutynatyn taýarlar sapasynyń monitoringi sheńberinde QR DSM SEBK Qostanai oblysy boiynsha sanitarlyq-epidemiologiialyq baqylaý departamenti satyp aldy.
Bul zerttelgen ónim Keden odaǵynyń tehnikalyq reglamentteriniń talaptaryna sáikes kelmeidi: «Tamaq ónimderiniń qaýipsizdigi týraly» KO TR 021/2011, «Et jáne et ónimderiniń qaýipsizdigi týraly» KO TR 034/2013, «Sút jáne sút ónimderiniń qaýipsizdigi týraly» KO TR 033/2013.
Qazirgi ýaqytta sanitarlyq-epidemiologiialyq baqylaý departamenti densaýlyqqa qaýipti ónimderdi alý jáne joiý boiynsha sharalar qabyldaýda.
