Eýraziialyq ekonomikalyq odaq aiasynda birlesken tehnologiialyq jáne ǵylymi jobalar qurýǵa batyl qadam jasaýymyz qajet. Bul týraly «Eýraziialyq integratsiia - N.Nazarbaevtyń tarihi bastamasy» taqyrybyndaǵy onlain rejimde ótken telekópir barysynda M.Lomonosov atyndaǵy MMÝ professor, ekonomika ǵylymdarynń doktory Kaisyn Hýbiev aitty, dep habarlaidy QazAqparat.
«Eýraziialyq ekonomikalyq odaq Keden odaǵy negizginde quryldy. Endi kelesi qadamdy ekonomikalyq naqty sektorlarynyń salasynda, sonymen qatar onyń ǵylymyn qoldaityn jáne negizdeitin salalarynda jasaý qajet. Menińshe, bizdiń bul baǵytta birge qorymyz da jetkilikti. Myna máselege nazar aýdartsam deimin. Reseilik venchýrlyq qor men Reseilik-qazaqstandyq nanotehnologiialar qory bar. Osy eki qor energiia jinaqtaý júiesin daiyndaǵany úshin amerikalyq ázirleýshilerge 11,5 mln dollar tóleidi. Alaida, elderimizdi elektr energiiasy akkýmýliator jasap shyǵaratyn ǵylymi-tehnikalyq áleýet qalaisha joq? Amerikalyq ázirleýshilerge júgingenshe ózimiz nege jasamasqa», - dedi ol.
Ǵalym EAEO-ǵa qatysýshy árbir elde tsifrlyq tehnologiialardy damytýdyń ulttyq baǵdarlamasy bar ekendigin nazar aýdartty.
«Osy oraida da kúsh-jigerimizdi biriktirip, ony tsifrlyq tehnologiialardy, onyń ishinde bilim salasyndaǵy da tehnologiialardy damytýǵa jumsaýǵa bolar edi. Biz ekonomikanyń shynaiy sektorlaryn kóterý úshin birlesken tehnologiialyq jáne ǵylymi jobalardy qurýǵa batyl qadam jasaýǵa tiispiz», - dedi Kaisyn Hýbiev.
Eýraziia ulttyq ýniversiteti men M.Lomonosov atyndaǵy MMÝ-diń Qazaqstandaǵy filialy birlesip uiymdastyrǵan telekópir barysynda eýraziialyq integratsiianyń tujyrymdamalyq máseleleri, odaq memleketteriniń bilimi men ekonomikalyq ósimi arasyndaǵy ózara bailanys, ǵylym men zamanaýi innovatsiialyq tehnologiialardy damytý, eýraziialyq ekonomika jáne mádeni yntymaqtastyq vektorlary talqylandy.
