18 mamyrda Resei parlamentiniń tómengi palatasy "ekstremistik uiym" múshelerine zań shyǵarý organdaryna sailanýǵa tyiym salatyn zań jobasyn birinshi oqylymda maquldady. Sarapshylar ony Kreml synshysy, oppozitsiialyq saiasatker Aleksei Navalnyiǵa qarsy baǵyttalǵan shara dep atady.
Memlekettik dýma depýtattarynyń basym bóligi zań jobasyn qoldap daýys berdi.
Qazir Resei biligi Navalnyidyń Jemqorlyqpen kúres qoryn "ekstremistik uiym" qataryna jatqyzýǵa kúsh salyp jatyr. Basqarýshy "Edinaia Rossiia" partiiasy qyrkúiek aiyndaǵy parlament sailaýyna daiyndalyp jatyr jáne naýryz aiyndaǵy qoǵamdyq pikir halyq qoldaýynyń 27 paiyzǵa túsip ketkenin kórsetken.
