Tanymal bloger, "KraSava" YouTube arnasynyń avtory jáne osy attas fýtbol klýbynyń prezidenti Evgenii Savin qazirgi saiasi jaǵdaiǵa bailanysty Reseiden ketti. Bul týraly eks-fýtbolshy "Chestnyi klýb" seriiasynyń segizinshi shyǵarylymynda habarlady, - dep jazady Tengrinews.kz agenttigi sports.ru saityna silteme jasap.
"Ýkrainalyq sportshylarmen shyǵarylymnan keiin jáne Ýkrainamen soǵysqa qarsy óziniń azamattyq ustanymyn bildirgennen keiin "Krasava" FK prezidenti Savin Evgenii elden ketti", - delingen videoda.
Savinniń aitýynsha, sáýirdegi oiyndardyń birinde oǵan Reseige qoldaý kórsetetin bannerler qoiýdy suraǵan. Ol bas tartqan.
"Klýbta olai jasaýdan bas tartamyz dedim. Biz buiryq boiynsha patriotizm kórsetpeimiz. Men jáne meniń klýbym Resei týyn qashan jáne qai jaǵdaida jelbiretetinimizdi ózimiz sheshemiz..." - dedi bloger.
